სამტრედიაში ცეცხლსასროლი იარაღით დაჭრილი 32 წლის მამაკაცი საავადმყოფოში გარდაიცვალა.

ექიმის ინფორმაციით, რამდენიმესაათიანი ოპერაციის მიუხედავად, პაციენტის გადარჩენა ვერ მოხერხდა.

„კლინიკაში სასწრაფო დახმარების ბრიგადის მიერ შემოყვანილი იქნა ორი ახალგაზრდა მამაკაცი, რომლებსაც მიყენებული ჰქონდათ ცეცხლსასროლი იარაღით ჭრილობები. ერთი მათგანი შედარებით მსუბუქი დაზიანებით იმყოფებოდა, მას მხოლოდ ქვედა კიდურის ტრავმული დაზიანება ჰქონდა და ქუთაისში იქნა გადაყვანილი.

მეორე პაციენტი იყო 32 წლის მამაკაცი, რომელსაც ცეცხლსასროლი იარაღით მრავლობითი ჭრილობები ჰქონდა მიყენებული. ის იმყოფებოდა კრიტიკულ მდგომარეობაში სიცოცხლესთან შეუთავსებელი ტრავმებით. მას აღენიშნებოდა ტრავმები სახეში - კერძოდ, ზედა და ქვედა ყბის, გულმკერდის, მუცლის, წელის და ორივე, ზედა და ქვედა კიდურის არეში. პაციენტი მაშინვე აყვანილი იქნა საოპერაციოში, ჩაუტარდა ოპერაცია და მისი დასრულებიდან დაახლოებით საათნახევარში გარდაიცვალა“, - განაცხადა ექიმმა ლია ბიბილეიშვილმა.

შეგახსენებთ, რომ დაპირისპირება სამტრედიაში, იმერეთის ქუჩაზე გუშინ მოხდა. შსს-მ მომხდარზე გამოძიება სსკ-ის 19-109-ე მუხლით დაიწყო.

ავტორი: ექსპრესნიუსი,

სოციალური ქსელები

ოკუპირებულ აფხაზეთში, რიწის ტბის მიმდებარე ტერიტორიაზე რუსი ტურისტების ჯგუფს სცემეს

კიევის ბუჩას რაიონში რუსული თავდასხმის შედეგად 37 ადამიანი დაიღუპა.

გეგელია: ათობით ათასი რუსი მიაწყდა ლარსის გამშვებ პუნქტს, საქართველოში ეძებენ ნავსაყუდელს

გარემოს ეროვნული სააგენტო: 29-31 აგვისტოს მოსალოდნელია წვიმა, ზოგან ძლიერი