აჭარის ავტონომიური რესპუბლიკის დასაქმების სააგენტომ და განათლების განვითარების და დასაქმების ცენტრმა, დასაქმების მხარდაჭერის სახელმწიფო სააგენტოსთან და საქართველოს გაეროს ასოციაციასთან თანამშრომლობით, ბათუმში ,,სანსეტ ბათუმში’’ დასაქმების ფორუმი გამართა.

ფორუმზე აჭარის რეგიონში მოქმედი 40-მდე მცირე, საშუალო და მსხვილი ბიზნესის ვაკანსიები წარმოადგინეს. სამუშაო ადგილები სასტუმრო, სარესტორნო, სავაჭრო, სამშენებლო, კრუინგული, საბანკო სფეროებიდან იყო წარმოდგენილი.

ღონისძიებაზე სამუშაოს მაძიებლებს შესაძლებლობა ჰქონდათ შეხვედროდნენ დამსაქმებლებს, გასაუბრებოდნენ სასურველი ვაკანსიის თაობაზე და წარმოეჩინათ საკუთარი უნარები პოტენციურ დამსაქმებელთან პირდაპირი კომუნიკაციის გზით.

დასაქმების ფორუმის მიზანია რეგიონულ შრომის ბაზარზე არსებული ან/და მოსალოდნელი ვაკანსიების და საგანმანათლებლო პროგრამების შესახებ ინფორმაციის თავმოყრა ერთ სივრცეში. სამუშაოს მაძიებელს, დამსაქმებელსა და პროფესიულ სასწავლებელს შორის  პირდაპირი კომუნიკაციის ორგანიზება.

დასაქმების ფორუმი ევროკავშირის მიერ მზარდაჭერილი პროექტის, ,,სწავლა, წვრთნა, მიღწევა  და კავშირების დამყარება დასაქმებისთვის! (ისწავლე დასაქმებისთვის)’’ ფარგლებში გაიმართა.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს