ამერიკის შეერთებული შტატების ხელისუფლება ცხრა ბელარუსული სახელმწიფო კომპანიის წინააღმდეგ სანქციებს ხელახლა აწესებს. აღნიშნულის შესახებ განცხადებას თეთრი სახლის პრესმდივანი, ჯენ ფსაკი ავრცელებს.

როგორც განცხადებაშია აღნიშნული, გადაწყვეტილება მას შემდეგ მიიღეს, რაც ბელარუსის მიერ ევროკავშირის ორ წევრ სახელმწიფოს შორის „რაინეარის“ კომერციული რეისის მიმართულება იძულებით შეიცვალა და დააკავეს ბელარუსი ჟურნალისტი რომან პროტასევიჩი, რასაც აშშ საერთაშორისო ნორმების პირდაპირ დარღვევად აფასებს.

ამავე განცხადებაში ვკითხულობთ, რომ ამერიკის შეერთებული შტატები ბელარუსთან საჰაერო მიმოსვლის შესახებ 2019 წლის შეთანხმებას აჩერებს.

გარდა ამისა, თეთრი სახლი აღნიშნავს, რომ სახელმწიფო დეპარტამენტი აშშ-ის მოქალაქეებს ურჩევს, რომ ბელარუსში გამგზავრებისგან თავი შეიკავონ, ხოლო აშშ-ის სამოქალაქო ავიაციის ფედერალურმა ადმინისტრაციამ ამერიკულ გადამზიდავებს ბელარუსის საჰაერო სივრცეში ფრენისას უკიდურესი სიფრთხილისკენ მოუწოდა.

თეთრი სახლი მოუწოდებს ალექსანდრ ლუკაშენკოს, რომ დაუშვას „რაინეარის“ თვითმფრინავთან დაკავშირებით მომხდარი ინციდენტის სანდო საერთაშორისო გამოძიება, ასევე გაათავისუფლოს პოლიტპატიმრები და დაიწყოს ჭეშმარიტი დიალოგი დემოკრატიული ოპოზიციის ლიდერებთან და სამოქალაქო საზოგადოებასთან.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს