კრიმინალური პოლიციის ხელმძღვანელის ყოფილმა მოადგილემ ირაკლი ფირცხალავამ პროკურატურაში განცხადება შეიტანა. 
როგორც ფირცხალავა ჟურნალისტებთან საუბარში ამბობს, ე.წ. „კორტების სპეცოპერაციასთან“ დაკავშირებით, პროკურატურა სცდილობს, ყალბი ჩვენების საფუძველზე ის და მისი კოლეგები დააკავოს. 
შესაბამისად, ყოფილი მაღალჩინოსანი ამბობს, მან პროკურატურას კოორდინატები დაუტოვა და გამოძიებასთან დაკავშრებით თანამშრომლობა შესთავაზა. 
 „გამომდინარე იქიდან, რომ ინფორმაცია გავრცელდა, თითქოს ზეწოლა ხდება პოლიციელებზე და სხვა სამართალდამცავებზე,  მე თვითონ მოვედი  პორკურატურაში და ვუცხადებ, რომ მიმალვას არ ვაპირებ, არც მოწმეებზე ზემოქმედებას.  მივუთითე ჩემი ტელეფონის ნომრები. მათ  შეუძლიათ დამიბარონ და დამკითხონ, თუნდაც დამააკავონ, მე ამაში ვერავითარ პრობლემას ვერ ვხედავ“, – აღნიშნა ფირცხალავამ.
ცნობისთვის, მთავარმა პროკურატურამ ომბუდსმენის განცხადების საფუძველზე,  ირაკლი ფირცხალავას, კახა ლეგაშვილის, გიორგი ხიზანიშვილისა და გიორგი ჭანტურიას საქმეზე გამოძიება დაიწყო.   
პროკურატურის პრესსამსახურის ინფორმაციით,   საქმე ეხება ზურაბ ვაზაგაშვილის საქმეში მსჯავრდებულის ახსნა–განმარტებას, რომლის თანახმადაც შსს–ს ყოფილი მაღალჩინოსნები მასზე ზეწოლას ახდენდნენ და ბუტა რობაქიძის დედის, ია მეტრეველის მკვლელობა დაავალეს. 
 პროკურატურის საგამოძიებო ნაწილში გამოძიება სისხლის სამართლის საქმეზე, განზრახ დამამძიმებელ გარემოებებში მკვლელობის მომზადებისა და სამსახურებრივი უფლებამოსილების გადამეტების ფაქტზე დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბუკნარში სანდასუფთავების მანქანა თანამშრომელს დაეჯახა – კაცი დაიღუპა

თიბისის მხარდაჭერით, „ამბარი“ მაღაზიათა ქსელს აფართოებს

ივანიშვილის რეჟიმის წარმომადგენელი გორდულაძე რუსების მასიურ შემოდინებას ისევ ნაცებს აბრალებს

მიხეილ სააკაშვილი – ქართული არასამთავრობო ორგანიზაციები სინამდვილეში ყოველთვის იყვნენ რეჟიმის დანამატები, იდიოტები