ბოლნისის მუნიციპალიტეტის საკონფერენციო დარბაზში ციფრულმა მოხალისეებმა, პროექტის „გააციფრულე საქართველო“ ფარგლებში, ადმინისტრაციულ ერთეულებში მერის წარმომადგენლებისა და ადგილობრივი ახალგაზრდებისთვის საინფორმაციო ტრენინგი გამართეს.

ტრენინგზე ციფრულმა მოხალისეებმა მერის წარმომადგენლებსა და ახალგაზრდებს Google Map-ისა და Google My Business-ის შესახებ დეტალური ინფორმაცია მიაწოდეს. ტრენინგის ფარგლებში ასევე მოეწყო საფეხმავლო ტური, სადაც ახალგაზრდებმა ქალაქ ბოლნისში მდებარე ისტორიული შენობები და ადგილობრივი ბიზნესები Google Map-ზე დაიტანეს.

პროექტს „გააციფრულე საქართველო“ ა(ა)იპ „აი“, USAID-ის პროექტ „ზრდა“-ს ფინანსური მხარდაჭერით, ინოვაციებისა და ტექნოლოგიების სააგენტოსთან, „გუგლთან“ და ტურიზმის ეროვნულ ადმინისტრაციასთან თანამშრომლობით ახორციელებს.

„გააციფრულე საქართველოს“ მიზანია ციფრული მისიონერების დახმარებით, Google Map-ზე საქართველოს მასშტაბით არსებული ბიზნესებისა და სხვადასხვა ობიექტის დატანა და მათზე სრულყოფილი ინფორმაციის განთავსება მოხდეს. ტურიზმის მხარდაჭერის მიზნით, Google-მა ციფრული მოხალისეები გადაამზადა, რომლებიც თავიანთ ცოდნას მთელი საქართველოს მასშტაბით დაინტერესებულ პირებს, ანუ ციფრულ მისიონერებს გადასცემენ.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს