2021-05-21 23:04:01, 845 ნახვა

---

აჭარის ა/რ ჯანმრთელობისა და სოციალური დაცვის მინისტრმა სამედიცინო მომსახურების საქმეში შეტანილი წვლილისათვის ექიმ-გინეკოლოგს მადლობის სიგელი გადასცა

აჭარის ა/რ ჯანმრთელობისა და სოციალური დაცვის მინისტრმა, ნინო ნიჟარაძემ აჭარის ავტონომიური რესპუბლიკის მოსახლეობის სამედიცინო მომსახურების საქმეში შეტანილი წვლილისათვის ბათუმის რესპუბლიკური საავადმყოფოს ღვაწლმოსილ ექიმ-გინეკოლოგს, ციალა სიხარულიძეს მადლობის სიგელი გადასცა.

ციალა სიხარულიძე აჭარის სხვადასხვა სამედიცინო დაწესებულებაში 45 წლის განმავლობაში საქმიანობდა. ის გამოირჩეოდა პროფესიონალიზმითა და გულისხმიერებით.

„მინდა მადლობა გადაგიხადოთ გაწეული საქმიანობისათვის, თითოეული ექიმი და სამედიცინო მუშაკი ფასდაუდებელია ჩვენთვის“, - განაცხადა მინისტრმა, ნინო ნიჟარაძემ.

ციალა სიხარულიძის აქტიური პროფესიული საქმიანობის დარულებისადმი მიძღვნილი ღონისძიება ბათუმის რესპუბლიკურ საავადმყოფოში გაიმართა. შეხვედრას მინისტრის მოადგილეები, მარი ზანაქიძე და ზურაბ თენიეშვილი, ასევე კლინიკის ადმინისტრაციის წარმომადგენლები და კოლეგები ესწრებოდნენ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი