აჭარის ავტონომიური რესპუბლიკის ჯანმრთელობისა და სოციალური დაცვის მინისტრმა, ნინო ნიჟარაძემ შეხვედრა გამართა ჩეხეთის რესპუბლიკის სამედიცინო ექსპერტთა ჯგუფთან. შეხვედრას ესწრებოდა მინისტრის მოადგილე, მარი ზანაქიძე.

როგორც აჭარის ჯანდაცვის სამინისტროს მიერ გავრცელებულ ინფორმაციაში ვკითხულობთ, ჩეხი მედიკოსები საქართველოში, ჩეხეთის რესპუბლიკის მუდმივი სამედიცინო ჰუმანიტარული პროგრამა MEDEVAC-ის ფარგლებში იმყოფებიან. ვიზიტის მიზანია პროგრამის სამომავლო სამოქმედო გეგმის განსაზღვრა და ადგილობრივ სამედიცინო დაწესებულებებთან თანამშრომლობის გაღრმავება.

უწყების ცნობით, შეხვედრაზე მინისტრმა დელეგაციის წევრებს ონკო-გინეკოლოგიისა და კიბოს პრევენციის მიმართულებით აჭარის რეგიონში არსებული ვითარება და სახელმწიფო პროგრამები გააცნო. პროგრამა MEDEVAC-ის ფარგლებში კიბოს პრევენციის მიზნით აჭარაში ტრენინგი ჩაუტარდება სამედიცინო პერსონალს, რათა კიდევ უფრო გაიზარდოს სამედიცინო მომსახურების ხარისხი.

სამინისტროს ინფორმაციით, ვიზიტის ფარგლებში ჩეხმა სამედიცინო ექსპერტებმა ასევე სამუშაო შეხვედრა გამართეს ბათუმის რესპუბლიკური საავადმყოფოს ადმინისტრაციასთან. აპრილის თვეში ჩეხეთის განვითარების სააგენტოსთან გაფორმებული ხელშეკრულების საფუძველზე, ჩეხეთის საელჩომ ბათუმის რესპუბლიკურ საავადმყოფოსა 190 ათასი ევროს ღირებულების სამედიცინო აპარატურა გადასცა.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს