2021-04-30 18:42:02, 1973 ნახვა

---

Bloomberg - მსოფლიოში კორონავირუსის საწინააღმდეგო ვაქცინაცია 1.1 მილიარდზე მეტ ადამიანს ჩაუტარდა

გამოცემა Bloomberg-ის ბოლო მონაცემებით, ამ დროისთვის, მსოფლიოში კორონავირუსის საწინააღმდეგო ვაქცინა 1.1 მილიარდზე მეტმა ადამიანმა უკვე გაიკეთა.

მათივე ინფორმაციით, მსოფლიოში კორონავირუსის საწინააღმდეგო ვაქცინაცია 174-ზე მეტ ქვეყანაში მიმდინარეობს და ყოველდღიურად საშუალოდ 19.7 მილიონამდე ადამიანს უტარდება.

ქვეყნების მიხედვით, პირველ ადგილზე უკვე ჩინეთია, სადაც ამ ეტაპისთვის, 243 მილიონი ადამიანი აიცრა, მას კი, აშშ მოსდევს, სადაც კოვიდ-19-ის ვაქცინით აცრილთა რაოდენობა 237 მილიონზე მეტია.

ქვეყანა, სადაც ყველაზე სწრაფი ტემპით მიმდინარეობს მოსახლეობის ვაქცინაცია ისრაელია, სადაც უკვე 56.2% მილიონი ადამიანია აცრილი კორონავირუსის საწინააღმდეგო ვაქცინის ორივე დოზით.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი