2015-01-31 11:59:22, 794 ნახვა
საზოგადოება
პრეზიდენტი თამაზ ავდალიანის გარდაცვალების გამო მწუხარებას გამოთქვამს
საქართველოს პრეზიდენტი გიორგი მარგველაშვილი, პარლამენტის წევრის, თამაზ ავდალიანის გარდაცვალების გამო მწუხარებას გამოთქვამს.
"ღრმა მწუხარებით მივიღე ცნობა საქართველოს პარლამენტის წევრის, ბატონი თამაზ ავდალიანის გარდაცვალების შესახებ.
მისი სახით მისმა ახლობლებმა და კოლეგებმა დაკარგეს გულისხმიერი მეგობარი, ქვეყანამ კი - კარგი მამულიშვილი.
ამ მძიმე წუთებში, სამძიმარსა და თანადგომას ვუცხადებ ბატონი თამაზის ოჯახს, ახლობლებსა და კოლეგებს", - ნათქვამია პრეზიდენტის განცხადებაში.
დეპუტატი თამაზ ავდალიანი გუშინ, ხანმოკლე და მძიმე ავადმყოფობის შედეგად გარდაიცვალა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
