ვლადიმერ ზელენსკი - უკრაინა რუსეთის შემოჭრისთვის მზადაა

2021-04-13 10:38:38, 698 ნახვა

მსოფლიო

უკრაინის პრეზიდენტი ვლადიმერ ზელენსკი აცხადებს, რომ რუსეთის შეიარაღებული ფორმირებების უკრაინის ტერიტორიაზე შეჭრა საკმაოდ რეალურია და სახელმწიფო ამისთვის მზადაა.

„რა თქმა უნდა, ჩვენ ვიცით ეს 2014 წლიდან და ეს შესაძლებელია, რომ ყოველ დღე მოხდეს. ისინი მზად არიან, მაგრამ ჩვენ ასევე ვართ მზად, რადგან ჩვენს მიწაზე, ტერიტორიაზე ვიმყოებით", - განაცხადა ვლადიმერ ზელენსკიმ.

შეგახსენებთ, რომ უკრაინის სამხრეთ-აღმოსავლეთ ნაწილში აპრილის დასაწყისიდან მდგომარეობა უკიდურესად დაიძაბა. გასული დღე-ღამის განმავლობაში რუსეთის შეიარაღებულმა ფორმირებებმა ცეცხლის შეწყვეტის შეთანხმება 17-ჯერ დაარღვიეს, რის შედეგადაც ერთი უკრაინელი სამხედრო დაიღუპა.

ავტორი: თეონა დორეული, ექსპრესნიუსის რეპორტიორი 2018 წლიდან