რუსი ექიმები ალექსეი ნავალნისთვის დაუყოვნებლივ სამედიცინო დახმარების გაწევას ითხოვენ, - ამის შესახებ ინფორმაციას „მედუზა“ ავრცელებს.

როგორც მედია იუწყება, ამის შესახებ რუსი ეროვნების ექიმებმა ღია წერილი გამოაქვეყნეს.

წერილის ავტორებმა გამოთქვეს აზრი, რომ ტკივილი, რომელსაც ნავალნი „ნოვიჩოკით“ მოწამვლის შემდეგ  უჩივის, შეიძლება გართულდეს.

„MRI- ს და გამოკვლევის შედეგების გარეშე შეუძლებელია დიაგნოზის დასმა, მაგრამ ღია წყაროებიდან მიღებული ინფორმაციის მიხედვით, ყველაზე უარესის გვეშინია. პაციენტის ამ მდგომარეობაში დახმარების გარეშე დატოვებამ, შესაძლოა ქირურგიულმა უმოქმედობამ მძიმე შედეგები გამოიწვიოს.

მძიმე შედეგი შეიძლება იყოს მათ შორის ქვედა კიდურების ფუნქციების შეუქცევადი, სრული ან ნაწილობრივი დაკარგვა. ჩვენ ასევე მიგვაჩნია, რომ მწვავე ტკივილის მქონე პატიმრისთვის ტკივილის შემსუბუქების ზომების მიუღებლობა ასეთ სიტუაციაში არა მხოლოდ მისი უფლებების დარღვევაა, არამედ განზრახ წამებაც“, - აღნიშნულია წერილში.

ხელმომწერები მოითხოვდნენ ფედერალური სასჯელაღსრულების სამსახურისა და რუსეთის პოლიტიკური ხელმძღვანელობისგან ნავალნის დახმარების გაწევას და სამოქალაქო სპეციალისტების მიერ მისი გამოკვლევის ნებართვას.

რამდენიმე დღის წინ ნავალნის ადვოკატებმა განაცხადეს, რომ ციხეში ყოფნის პერიოდში ნავალნის ჯანმრთელობა გაუარესდა - ჯერ ზურგი ასტკივდა, შემდეგ კი ფეხი.

პოლიტიკოსმა თავად თქვა, რომ ”მისთვის ძნელი და ძალიან მტკივნეული იყო საწოლიდან წამოდგომა” და რომ კოლონიის ადმინისტრაცია არანაირ რეაგირებას არ ახდენდა მის საჩივრებზე და ადგილობრივმა ექიმმა მას მხოლოდ იბუპროფენი დაუნიშნა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს