ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე აჭარაში COVID-19-ის საწინააღმდეგო ვაქცინაციის პროცესს გაეცნო. ბათუმის რესპუბლიკურ საავადმყოფოში  „ასტრაზენეკას" ვაქცინით  პარლამენტის დეპუტატი "ქართული ოცნებიდან" ზაალ მიქელაძე აიცრა.

გარდა ამისა, ჯანდაცვის მინისტრმა ეკატერინე ტიკარაძემ ბათუმის რესპუბლიკურ  საავადმყოფოში  ჰემოდიალიზის განყოფილება   დაათვალიერა, რომელიც უახლესი თაობის აპარატურითაა აღჭურვილი. მინისტრის განცხადებით,  ახალი განყოფილება საშუალებას იძლევა პაციენტებს ჩაუტარდეს ჰემოდიაფილტრაცია და გახანგრძლივებული ჰემოდიალიზი.

აჭარაში , ეკატერინე ტიკარაძემ  ახალი ლაბორატორიაც დაათვალიერა ,რომელიც  სრულად  აღჭურვილია  უკანასკნელი თაობის  აპარატურით, რაც  პაციენტების სრულფასოვანი კვლევის საშუალებას იძლევა.  საჭირო ინვენტარისა და აპარატურის შეძენა მსოფლიო ბანკის დაფინანსებით მოხდა.

„ბათუმის რესპუბლიკური საავადმყოფო ჯანდაცვის სისტემისთვის სტრატეგიულ ობიექტს წარმოადგენს. პანდემიის პირობებში რესპუბლიკურმა საავადმყოფომ მოსახლეობას დიდი დახმარება გაუწია. ადგილზე ჰემოდიალიზის განყოფილებაც დავათვალიერეთ, რომელიც 56 პაციენტს მოემსახურება. ბათუმის რესპუბლიკურ საავადმყოფოში თანამედროვე ლაბორატორიაა, რაც  პაციენტების სრულფასოვანი კვლევის საშუალებას იძლევა“,- ამის შესახებ ეკატერინე ტიკარაძემ განაცხადა.

150 000 ევროს ღირებულების ჰემოდიალიზის აპარატურისა და საწოლების შეძენა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ მოხდა.

ავტორი: NS (სტატია დაფინანსებულია),

სოციალური ქსელები

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს

4 სრულად დაფინანსებული კურსი Businesscourse.ge-ზე, თუ კონტენტის შექმნა გაინტერესებს