სარემონტო სამუშაოების გამო შეჩერებული  სასწავლო–სააღმზრდელო პროცესი დღეიდან მუნიციპალიტეტის  2 საბავშვო ბაღში განახლდა , 12–ვე სკოლამდელი აღზრდის დაწესებულება სრული დატვირთვით იმუშავებს.

სოფელ  ტანძიის საბავშვო ბაღში  ამჟამად 1 შერეული ასაკობრივი ჯგუფი ფუნქციონირებს, სადაც  23 აღსაზრდელია რეგისტრირებული.

გარემონტდა სამზარეულო, პროდუქტის შესანახი საწყობები, ექთნის ოთახი, შესასვლელი და სააღმზრდელო ჯგუფი, რომელიც ახალი, სტანდარტების მოთხოვნათა შესაბამისი ფუნქციური ავეჯით მოეწყო.

სარემონტო სამუშოები ჩაუტარდა დაბა კაზრეთის საბავშვო ბაღსაც,  გამაგრდა შენობის საძირკველი, გარემონტდა 1 სააღმზრდელო ჯგუფი, სამრეცხაო, სამზარეულო,  პროდუქტის შესანახი საწყობები, რომელიც აღიჭურვა უჟანგავი თაროებით.

ამ ეტაპზე კაზრეთის საბავშვო ბაღში 243 აღსაზრდელია ჩარიცხული.

საბავშვო ბაღები მომარაგებულია ყველა აუცილებელი სანიტარულ–ჰიგიენური საშუალებით, მოწყობილია მოსაცდელი ზონები და საიზოლაციო ოთახები, ჯგუფებში სივრცეების  მოწყობა იძლევა აღსაზრდელების ერთმანეთისგან  დისტანცირების შესაძლებობას,

თითოეული აღსაზრდელისთვის დაწესებულებამ შეიძინა ინდივიდუალური ყუთები საკანცელარიო ნივთებისთვის.

სოფელ ტანძიის საბავშვო ბაღს, დღეს, ბოლნისის მუნიციპალიტეტის მერი დავით შერაზადიშვილი ესტუმრა და აღსაზრდელებსა და პედაგოგებს სასწავლო პროცესის დაწყება მიულოცა.

,,დღეიდან ბოლნისის მუნიციპალიტეტის ორ საბავშვო ბაღში სასწავლო-სააღმზრდელო პროცესი განახლდა, რომელიც კოვიდ რეგულაციების სრული დაცვით მიმდინარეობს.

 ამ ბაღებში მთელი რიგი სარემონტო სამუშაოები ჩატარდა. დაბა კაზრეთის საბავშვო ბაღს გასულ წელს  შენობის საძირკვლის გამაგრებითი სამუშაოები ჩაუტარდა, გარემონტდა 1 სააღმზრდელო ჯგუფი, წელს კი  სამრეცხაოს და  სამზარეულო რეაბილიტაცია განხორციელდა.

რაც შეეხება ტანძიის ბაღს, სრულად რეაბილიტირდა  ერთი სააღმზრდელო ჯგუფი, რომელიც თანამედროვე სტანდარტებთან შესაბამისი ავეჯით აღიჭურვა.

ჩვენთვის ერთ-ერთ მთავარ პრიორიტეტს სკოლამდელი  განათლების ხელშეწყობა წარმოადგენს და   რა თქმა უნდა აღსაზრდელებისთვის კომფორტული გარემოს შექმნა ჩვენი ვალდებულებაა",- განაცხადა ბოლნისის მუნიციპალიტეტის მერმა დავით შერაზადიშვილმა.

ავტორი: NS (სტატია დაფინანსებულია),

სოციალური ქსელები

ორიოლის სამხედრო ქარხანაზე სარაკეტო თავდასხმის შედეგად რვა ადამიანი დაშავდა, ერთი გარდაიცვალა

ტრამპი დაემუქრა რუსეთსა და უკრაინას 200%-იანი ტარიფების დაწესებით, თუ ომი გაგრძელდება

ორ პირს რომლებმაც მოქალაქეს ინტიმური ვიდეო გაუვრცელეს და თვითმკვლელობამდე მიიყვანეს ,ხოლოდ 5 წელი შეეფარდათ

უკრაინამ სამარის რეგიონში მდებარე „ტატნეფტის“ მსხვილ ქიმიურ ქარხანაზე იერიში მიიტანა