2021-03-10 18:40:26, 942 ნახვა
მსოფლიო
ერევანში ნიკოლ ფაშინიანის გადადგომის მოთხოვნით მორიგი აქცია მიმდინარეობს
სომხეთის დედაქალაქ ერევანში ოპოზიციური გაერთიანება „სამშობლოს ხსნის მოძრაობა“ მორიგ საპროტესტო აქციას მართავს.
ამის შესახებ ინფორმაციას ადგილობრივი მედია ავრცელებს.
აქციის მონაწილეები პრემიერ-მინისტრ ნიკოლ ფაშინიანის გადადგომას მოითხოვენ და სკანდირებენ: „სომხეთი ნიკოლის გარეშე!“.
გუშინდელი აქციის შემდეგ ოპოზიცია პარლამენტის შენობის შესასვლელების პიკეტირებას კვლავ აგრძელებს, თუმცა დღეს პარლამენტის წევრებმა შენობაში შესვლა მაინც მოახერხეს.
შეგახსენებთ, რომ სომხეთში პოლიტიკური კრიზისი მას შემდეგ გამწვავდა, რაც ქვეყნის შეიარაღებული ძალების გენშტაბმა მთავრობის გადაყენება მოითხოვა.
ავტორი: ექსპრესნიუსი,
epn.ge (@expressnews.ge)
