2021-02-17 16:53:33, 448 ნახვა
მსოფლიო
ნიგერიაში, სკოლაში შეიარაღებული პირები შეიჭრნენ - დაიღუპა ერთი მოსწავლე
ნიგერიაში შეიარაღებული პირები სკოლას თავს დაესხნენ, რის შედეგადაც ერთი მოსწავლე დაიღუპა, - ამის შესახებ ინფორმაციას „სიენენი“ ავრცელებს.
მათი ინფორმაციით, შეიარაღებულმა პირებმა გაიტაცებს სტუდენტები და მომსახურე პერსონალი, რომელთა რაოდენობაც ჯერჯერობით უცნობია.
„შეიარაღებულებმა აიძულეს თანამშრომლების შვილები, რომ საერთო საცხოვრებელში მიეყვანათ. მათ გაიტაცეს სტუდენტები და ზოგიერთი თანამშრომელი. ასევე, მოკლეს ერთ-ერთი სტუდენტი“,- აცხადებენ ადგილობრივები „სიენენთან“.
მედიის ინფორმაციით, კოლეჯში 1000-მდე მოსწავლე სწავლობდა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
