ენერგეტიკის მინისტრი, ვიცე-პრემიერი კახი კალაძე თავის ცოლის ძმას, თბილისის მერიის ახალგაზრდულ საქმეთა საქალაქო სამსახურის უფროსს გიორგი არეშიძეს, თანამდებობის დატოვებას ურჩევს.

ამის შესახებ კალაძემ "მაესტროს" ეთერში განაცხადა.

კალაძის მტკიცებით, გიორგი არეშიძის თანამდებობაზე დანიშვნაში მას მონაწილეობა არ მიუღია.

"ეს მიზანმიმართული კამპანიაა კონკრეტულად ჩემს წინააღმდეგ და არა გიორგი არეშიძის წინააღმდეგ, რადგან ამ წლების განმავლობაში ვერაფერი ვერ მომინახეს ისეთი, რომ რაღაც აეგორებინათ. იყო საუბარი, თითქოს რაღაც ბიზნესებს ვფლობდი, თუმცა, კონკრეტული ბიზნესი, რომელიც მე გამაჩნია, ეს ღიად მაქვს დაფიქსირებული, ამის შესახებ ყველამ იცის. არავისთვის არაფერი წამირთმევია, არავის ბიზნესში არ ჩავხტომივარ. ასე რომ, ეს ყველაფერი არის ისევ ჩემს წინააღმდეგ აგორებული პიარ-კამპანია. უბრალოდ, მე გიორგის, როგორც მეგობარს, როგორც ახლო ადამიანს მივცემდი რჩევას, რომ მას თანამდებობა დაეტოვებინა. მე არანაირი მონაწილეობა მის დანიშვნაში არ მიმიღია,  ამის უფლება არ მქონია. ამ რჩევას ვაძლევ, როგორც მეგობარს. რას ვიზამთ, ასეთი ცუდი ნათესავი ჰყავს გიორგის", - განაცხადა კახი კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს