საქართველოს პრემიერ–მინისტრმა ირაკლი ღარიბაშვილმა ამერიკის შეერთებული შტატების ათასწლეულის გამოწვევის კორპორაციას დაარსებიდან 10 წლის იუბილე მიულოცა და წარმატებები უსურვა იმ დიდი მისიის შესრულებაში, რომლის მიზანი მსოფლიოში სიღარიბის დაძლევა და პარტნიორი ქვეყნების ეკონომიკური განვითარებაა.

„მეორე კომპაქტის განხორციელების შედეგად,  ახალგაზრდა თაობაში ჩადებული ინვესტიცია მოგვცემს შესაძლებლობას, შევასრულოთ ჩვენი გრძელვადიანი ეკონომიკური განვითარების გეგმა,“–განაცხადა პრემიერმა ათასწლეულის გამოწვევის კორპორაციის 10 წლის იუბილეზე სიტყვით გამოსვლისას.  

მთავრობის მეთაურმა ყურადღება გაამახვილა მეორე კომპაქტის ფარგლებში განსახორციელებელ პროექტებზე და როგორც  ფონდის სამეთვალყურეო საბჭოს თავმჯდომარემ გამოთქვა მზადყოფნა,  ხელი შეუწყოს უმნიშვნელოვანესი პროექტის წარმატებით განხორციელებას.

„ძალიან მნიშვნელოვანია, რომ კომპაქტის ფარგლებში მოხდება რეგიონებსა და სოფლებში საჯარო სკოლების რეაბილიტაცია, მასწავლებლებისა და სკოლის დირექტორების გადამზადება და სკოლების საბუნებისმეტყველო ლაბორატორიებით აღჭურვა. ეს ჩვენი რეგიონების განვითარებისათვის სერიოზული სტიმული იქნება და დადებითად აისახება ჩვენს მოქალაქეებზე, მათი ოჯახების კეთილდღეობაზე,“–აღნიშნა ირაკლი ღარიბაშვილმა.

მისივე განმარტებით, ექვსი თვის წინ ხელი მოეწერა ურთიერთთანამშრომლობის მემორანდუმს საქართველოს მთავრობასა და ამერიკის შეერთებული შტატების სან-დიეგოს სახელმწიფო უნივერსიტეტს შორის, რომელიც საქართველოს სამ სახელმწიფო უნივერსიტეტთან ერთად, სექტემბრიდან ამერიკულ და საერთაშორისო საბაკალავრო პროგრამებს განახორციელებს.

საქართველოში ამერიკის შეერთებული შტატების ელჩის რიჩარდ ნორლანდის განცხადებით, ამერიკა საქართველოს სტრატეგიული პარტნიორია, რომელიც მზად არის დაეხმაროს საქართველოს არსებული გამოწვევების დაძლევაში, მათ შორის განათლების სისტემის განვითარების კუთხით.

ათასწლეულის გამოწვევის კორპორაციის დაარსებიდან 10 წლის იუბილის აღსანიშნავ ღონისძიებაზე ამერიკის შეერთებული შტატების პრეზიდენტის ბარაკ ობამას და ამერიკის ყოფილი პრეზიდენტის  ბილ კლინტონის ვიდეომილოცვები მოისმინეს.

აშშ-ის მთავრობის ათასწლეულის გამოწვევის კორპორაციამ 2013 წელს საქართველოს მეორე 140 მილიონი აშშ დოლარის კომპაქტი დაუმტკიცა. საქართველო მსოფლიოს ქვეყნების იმ მცირე ჩამონათვალშია, რომელმაც მეორედ მიიღო კომპაქტი, რომლის მიზანია ქვეყნის ეკონომიკური ზრდის ხელშეწყობის მიზნით, ადამიანური კაპიტალის გაძლიერება საინჟინრო და ტექნოლოგიურ სფეროებში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს