"დღეს ჯარი იმაზე ძლიერია, ვიდრე იყო 10 ან 1 წლის წინ. ქართველ ჯარისკაცს აქვს იშვიათი მებრძოლი სული, რომელიც თანდაყოლილი, გენეტიკური კოდია, რომელსაც ვერ გამოიგონებ. ეს არაა რობოტი, რომელსაც დააპროგრამებ. არსებობს ქვეყნები, რომელთა ჯარისკაცებსაც არ შეუძლიათ ომი, ბრძოლა, რადგან ბრძოლისუნარიანები არ არიან“, - ამის შესახებ თავდაცვის მინისტრმა ირაკლი ღარიბაშვილმა ტელეკომპანია „იმედის“ ეთერში, გადაცემაში „არენა“ ნატოსთან და აშშ-თან წარმატებულ თანამშრომლობაზე საუბრისას განაცხადა.

„ნატო-საქართველოს არსებით პაკეტს (SNGP) და აღებულ ვალდებულებებს წარმატებით ვახორციელებთ და ვასრულებთ. ეს არაერთგზის დადასტურდა ნატოს შეხვედრების დროს, მათ შორის შარშან, ჩრდილოატლანტიკური საბჭოს (NAC) საქართველოში ვიზიტისას, როდესაც გადაწყდა, რომ საქართველო მიიღებდა განახლებულ პაკეტს. ეს დადასტურდა დეკემბრის თვეში, რაც არის რეალურად ჩვენი პროგრესის აღიარება. აქვე მინდა, გამოვყო SNGP-ის ფარგლებში გახსნილი წვრთნებისა და შეფასების ერთობლივი ცენტრი (JTEC), რომელიც წარმატებით ფუნქციონირებს მეხუთე წელია და რომელსაც ჩემს დროს ჩაეყარა საფუძველი. მე მადლიერი ვარ, რომ ახლა მიწევს წვლილის შეტანა ამ პროცესში“, - განაცხადა მინისტრმა.

„ჯარში ძალიან დიდი ყურადღება ეთმობა განათლებას, მუდმივად ტარდება წვრთნები. მინდა, გამოვყო აშშ-სთან გაფორმებული ჩარჩო-ხელშეკრულება, რომელიც აშშ-ში ვიზიტისას განვაახლე. ამ სამწლიანი კონტრაქტის ფარგლებშია მოქცეული საქართველოს თავდაცვის მზადყოფნის პროგრამა (GDRP), რომელიც ჩვენი და აშშ-ის სამხედრო სფეროში თანამშრომლობის წარმატების კლასიკური მაგალითია. ეს პროგრამა გულისხმობს ჩვენი სამხედროების გადამზადებას ამერიკელი სამხედროების, ინსტრუქტორების მეთვალყურეობის ქვეშ. შედეგად, ჩვენ ვიღებთ ამერიკული სტანდარტით ჯარის მომზადებას",- განაცხადა ირაკლი ღარიბაშვილმა.

ავტორი: NS (სტატია დაფინანსებულია),

სოციალური ქსელები

მამუკა მდინარაძე ლევან ხაბეიშვილზე - რაც არ უნდა მიუღებელი იყოს პოლიტიკოსი, მისი დაზიანებული სახის ყურება არის ძალიან უსიამოვნო, მაგრამ ისიც უნდა ვთქვათ, რომ მას არ დაესხნენ თავს, ის თვითონ იყო თავდასხმის ინიციატორი

მამუკა მდინარაძე - რასაც ვხედავთ, არის ვანდალიზმი, შეტევაზე გადასვლა და სუფთა პროვოკაცია

თბილისის ორივე სანაპირო გადაკეეტილია

რუსთაველზე აქცია კიდევ ერთხელ დაშალეს [ვიდეო]