ბათუმში, ფარნავაზ მეფის ქუჩა 108-112-ში უსახური საცხოვრისების ნაცვლად კიდევ ერთი ახალი საცხოვრებელი სახლის მშენებლობას საძირკველი ჩაეყარა.

საცხოვრებელი სახლის მშენებლობით 3 500 000 ლარის ინვესტიცია ხორციელდება. 127 ბინიანი სახლი 1100 კვ. მეტრზე განთავსდება. პროექტში ჯამში 50 ადამიანი დასაქმდება. ახალი ბინები საკუთრებაში 11 ოჯახს გადაეცემა. მშენებლობა 2016 წლის დეკემბერში დასრულდება. აჭარის ავტონომიური რესპუბლიკის მთავრობა გამოდის საფინანსო ორგანიზაციის წინაშე დაინტერესებული პირის თავდებად, რომელიც ქ. ბათუმის ტერიტორიაზე ბარაკის ტიპის უსახური შენობების ნაცვლად, მრავალბინიან საცხოვრებელ სახლებს განათავსებს; პროგრამის ფარგლებში თავდებობის თანხის ოდენობა განისაზღვრა 20 მილიონი აშშ დოლარით.

კომპანია „Mardi Holding“-ის მიერ სახლის მშენებლობის საძირკვლის ჩაყრამდე ფინანსთა და ეკონომიკის მინისტრმა დავით ბალაძემ, ქალაქის ვიცე-მერმა ბაგრატ მანველიძემ, კომპანიის დამფუძნებელმა ირაკლი თურმანიძემ და საქართველოს ბანკის წარმომადგენელმა არჩილ ჯანყარაშვილმა ხელი მოაწერეს დოკუმენტს, რომელიც კაფსულით საცხოვრებელი სახლის საძირკველში ჩაუშვეს.

აჭარის ა.რ. მთავრობამ აღნიშნული პროგრამა ქ. ბათუმის მერიასთან ერთად, ჯანსაღი და უსაფრთხო საცხოვრებელი გარემოს შექმნისთვის შეიმუშავა. აღნიშნული პროექტით აჭარის რეგიონში მოხდება: მოსახლეობის საცხოვრებელი პირობების გაუმჯობესება; ქალაქის განაშენიანების ხელშეწყობა; სამშენებლო ბიზნესის სტიმულირება, ინვესტიციების მოზიდვა და ახალი სამუშაო ადგილების შექმნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს