„ვის სურს პარლამენტში დარჩენა და ვინ იმსახურებს, ამაზე ჯობდა ბატონ დავითს მაშინ ესაუბრა, როცა ლიდერი იყო“,-ამის შესახებ საქართველოს პარკლამენტის თავმჯდომარემ დავით უსუფაშვილმა მოქმედი ლიდერის დავით საგანელიძის განცხადებასთან დაკავშირებით განაცხადა, რომლის თანახმადაც პარლამენტში ბევრია ისეთი, რომლის ადგილიც საკანონმდებლო ორგანოში არ არის.

უსუფაშვილის თქმით, დავით საგანელიძისთვის ახლა ამ საკითხზე საუბარი უფრო მარტივია.

„საქართველოში არის სამ მილიონზე მეტი მოქალაქე, პარლამენტში კი, 150 ადგილია. რაც შეეხება ვის სურს პარლამენტში დარჩენა, ვის იმსახურებს და ვის აღარ უნდა პარლამენტში დარჩენა, ამაზე ჯობდა ბატონ დავითს მაშინ ესაუბრა, როცა უმრავლესობის ლიდერი იყო და მაშინ გაერკვია ეს თემები. ახლა მარტივია მისთვის ამ თემებზე საუბარი. თავად მე, როდესაც ამ თემაზე ვისაუბრე, შეგახსენეთ, მე ვთქვი არა ის, რომ ვინმე მეტია პარლამენტში, არამედ ვთქვი ის, რომ ვიღაცა ნაკლებია პარლამენტში და მინდა ვისურვო მეტი პროფესიონალი იურისპროდენციის, ეკონომიკის დარგებში, იმიტომ, რომ ჩვენი კანონშემოქმედების 80-90% ამ სფეროებს უკავშირდება. ამასთანავე, მე არაერთხელ განვმარტე, რომ საქარათველოს არცერთ უმაღლესი სასწავლებელი არ იძლევა დიპლომს, რომელშიც წერია პარლამენტარი, ასეთ დიპლომს არ იძლევა არც ერთი უცხოური სასწავლებელიც. ყველა პარლამენტში არიან სხვადასხვა პროფესიის წარმომადგენლები, ამიტომ მნიშვნელოვანი ის კი არაა ვინ რას აკეთებდა პარლამენტში შემოსვლამდე, მნიშვნელოვანი ისაა, მოსვლის მერე ვინ რას ვაკეთებთ“,-განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს