2020-11-29 13:49:42, 1123 ნახვა

---

ლევან რატიანი - გვაქვს დადებითი დინამიკა და ბატონი კახი კავსაძის სუნთქვის პარამეტრები გაუმჯობესდა

„გვაქვს დადებითი დინამიკა და ბატონი კახის სუნთქვის პარამეტრები გაუმჯობესდა“, - ამის შესახებ პირველი საუნივერსიტეტო კლინიკის გენერალურმა დირექტორმა ლევან რატიანმა განაცხადა.

მისივე თქმით, დადასტურებულია კოვიდინფექცია, თუმცა ვირუსით ორგანიზმის დაზიანება არ იკვეთება.

“ბატონი კახი კავსაძე ჩვენთან, გუშინ დაახლოებით 14 საათზე შემოიყვანეს, მდგომარეობა შემოყვანისთანავე იყო კრიტიკული, დადასტურებულია კოვიდ ინფექცია, მაგრამ მინდა გითხრათ რომ ბატონ კახისთან ამ ვირუსით გამოწვეული მძიმე დაზიანება არ იკვეთება. 

ამასთან კლინიკურად სახეზე იყო სხვა დაავადება,რომელიც კოვიდინფექციამ უბრალოდ გაამწვავა, ამ ეტაპზე დადებითი დინამიკა გვაქვს, სუნთქვის პარამეტრებიც გაუმჯობესებულია, ვიმედოვნებთ, რომ ჩატარებული ღონისძიებები შედეგს აუცილებლად გამოიღებს და გამოჯანმრთელდება“, - აცხადებს ლევან რატიანი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი