„მიმაჩნია, რომ უმრავლესობის ლიდერი აუცილებლად ფრაქცია „ქართული ოცნება, დემოკრატიული საქართველოს“ წევრი უნდა იყოს“, - ამის შესახებ საპარლამენტო ურმავლესობის მოქმედმა წევრმა დავით საგანელიძემ მის შემცვლელთან დაკავშირებით განაცხადა. 

მისივე თქმით, პარლამენტი მისთვის უფლებამოსილების შეწყვეტის შესახებ საკითხს მომდევნო კვირის სასესიო სხდომაზე გაიტანს, ხუთშაბათს კი, მის შემცვლელზე იმსჯელებს. 

„საპროცედურო კომიტეტს მიეწოდა შესაბამისი დოკუმენტაცია. მომდევნო კვირის სამშაბათს ალბათ კომიტეტზე განიხილავენ, ოთხშაბათს კი, სასესიო სხდომის დროს დადგება ჩემთვის უფლებამოსილების მოხსნის საკითხი. უმრავლესობის ლიდერი შესაძლოა გია ვოლსკი გახდეს, ზვიად კვაჭანტირაძეც, ისევე როგორც სხვები. ეს არის უმრავლესობის გადაწყვეტილება. როცა, უმრავლესობა ამ გადაწყვეტილებას მიიღებს, მე უკვე უმრავლესობის წევრი აღარ ვიქნები. ასე, რომ მე ყველაზე ნაკლებად მეკითხება ახლა ეს თემა. მანამდე, კი ჩემთან რა თქმა უნდა კონსულტაცია იყო“, - აღნიშნა საგანელიძემ.

საგანელიძეს მიაჩნია, რომ მისი შემცვლელი აუცილებლად „ფრაქცია ქართული ოცნება დემოკრატიული საქართველოს“ წევრი უნდა იყოს. რადგან, დეპუტატის განმარტებით, აღნიშნული ფრაქცია ყველაზე დიდია, თუმცა, მისივე თქმით სხვა ფრაქციებსაც ჰყავთ ღირსეული წარმომადგენლები. 

„მიმაჩნია, უმრავლესობის ლიდერი აუცილებლად უნდა იყოს ფრაქცია „ქართული ოცნების“ წევრი. რადგან ყველაზე დიდი ფრაქციაა და სამართლიანი იქნება, ამ ფრაქციის წევრი იყოს უმრავლესობის ლიდერი. მიუხედავად იმისა, რომ ძალიან ბევრი ღირსეული პარლამენტარი, ნამდვილად გამოცდილი და ნამდვილად ძლიერი პიროვნებები არიან სხვა ფრაქციებშიც“, - განაცხადა დავით საგანელიძემ. ცნობისთვის, პრემიერ-მინისტრმა ირაკლი ღარიბაშვილმა დავით საგანელიძე „საპარტნიორო ფონდის“ ხელმძღვანელად წარადგინა. 

საგანელიძის თქმით, ახალ სტრუქტურაში საქმიანობას სავარაუდოდ შემდეგი კვირიდან დაიწყებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს