მე არჩევანი გავაკეთე წარმატებულ საქართველოზე, მშვიდობაზე, სტაბილურობაზე და განვითარებაზე, რაც ყველაზე მეტას სჭირდება დღეს ჩვენს ქვეყანას, - ამის შესახებ დედაქალაქის მერმა, კახა კალაძემ საარჩევნო უბანზე ხმის მიცემის შემდეგ, ჟურნალისტებს განუცხადა.

„ყველა ჩვენი ქვეყნის მოქალაქეს მინდა მადლობა გადავუხადო იმისთვის, რომ ყველა იხდის თავის მოქალაქეობრივ ვალს. რაც შეეხება ჩემს არჩევანს, მე არჩევანი გავაკეთე წარმატებულ საქართველოზე, მშვიდობაზე, სტაბილურობაზე და განვითარებაზე, რაც ყველაზე მეტას სჭირდება დღეს ჩვენს ქვეყანას", - განაცხადა კახა კალაძემ.

მანვე დასძინა, რომ ამ ეტაპზე, კოალიციის შექმნის აუცილებლობა არ არის.

„კოალიციის შესაძლებლობა ამ ეტაპზე არ არის, არ იქნება ამის აუცილებლობა, რადგან იმხელა მხარდამჭერა აქვს „ქართულ ოცნებას“, კოალიციის აუცილებლობა იქნება იმ შემთხვევაში, თუ  „ქართულ ოცნებას“ ექნება 40%-ზე ნაკლები, შესაბამისად ამის აუცილებლობა არ არსებობს", - აღნიშნა დედაქალაქის მერმა.

მანვე დასძინა, რომ დესტრუქციული პოლიტიკური ძალები ცდილობენ საარჩევნო პროცესსში არეულობის შეტანას, თუმცა არასწორი ქმედების შემთხვევაში, დაისჯებიან კანონის სრული სიმკაცრით.

„არანაირი კარუსელი არ არსებობს, ამასთან დაკავშირებით პარტიის აღმასრულებელმა მდივანმა გააკეთა განცხადება, დესტრუქციული, რადიკალური პოლიტიკური ძალები შეეცდებიან არეულობის შემოტანას, მაგრამ კიდევ ერთხელ ვაფრთხილებ ყველას, ვინც გაბედავს არასწორ ქმედებას, დაისჯება კანონის სრული სიმკაცრით’, - დასძინა კახა კალაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპმა თეთრი სახლის ახალი პრესმდივანი დანიშნა

ჟაპორეჟიაში რუსულა ავიაბომბამ რვა ადამიანის სიცოცხლე იმსხვერპლა აქედან 3 ბავშვია

აშშ უკრაინას დაზვერვის შეწყვეტით დაემუქრა, რუსეთის ნავთობგადამამუშავებელ ქარხნებზე თავდასხმების გამო - Axios

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია