საბერძნეთსა და აზერბაიჯანში მცხოვრები საქართველოს მოქალაქეები არჩევნებში მონაწილეობას ვერ მიიღებენ. აღნიშნულის მიზეზი ეპიდემიოლოგიური მდგომარეობაა.

როგორც პრემიერ-მინისტრმა გიორგი გახარიამ მთავრობის ადმინისტრაციაში, ბრიფინგზე განაცადა, მაქსიმალურად გაკეთდა ყველაფერი, რომ საქართველოს მოქალაქეების კონსტიტუციური უფლება აღსრულებულიყო, თუმცა სუვერენულ სახელმწიფოში საქართველოს მთავრობის მიერ მიღებული გადაწყვეტილება, არ მოქმედებს.

"ეპიდემია არის გლობალური, არ შეგვიძლია ჩვენს თუნდაც სტრატეგიულ პარტნიორებს მათი ეპიდემიოლოგიური მდგომარეობიდან მიღებული გადაწყვეტილებები დავუყენოთ კითხვის ნიშნის ქვეშ. როგორც ვიცი, აზერბაიჯანში ასეთი გადაწყვეტილება მიღებულია, იქ ვერ ტარდება უბრალოდ არჩევნები და საბერძნეთშიც, როგორც ვიცი. ესპანეთზე არ ვიცი არაფერი, ეს არის ჩვენთვის უაღრესად სამწუხარო ფაქტი, დარწმუნებული ვართ, როგორც აზერბაჯანში, ასევე საბერძნეთში და ესპანეთშიც, ქართული ოცნება მიაღწევს დამაჯერებელ გამარჯვებას.

ჩვენ მაქსიმალურად გავაკეთეთ ყველაფერი, რომ ჩვენი მოქალაქეების კონსტიტუციური უფლება აღსრულებულიყო, მაგრამ ესენი არიან სუვერენული სახელმწიფოები, რომელთა სუვერენულ ტრერიტორიაზე საქართველოს მთავრობის მიერ მიღებული გადაწყვეტილება ან სურვილი, სამწუხაროდ, არ მოქმედებს" - თქვა გახარიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჟაპორეჟიაში რუსულა ავიაბომბამ რვა ადამიანის სიცოცხლე იმსხვერპლა აქედან 3 ბავშვია

აშშ უკრაინას დაზვერვის შეწყვეტით დაემუქრა, რუსეთის ნავთობგადამამუშავებელ ქარხნებზე თავდასხმების გამო - Axios

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია

უკრაინის შეიარაღებულმა ძალებმა დონის როსტოვში ნავთობტერმინალზე თავდასხმა განახორციელეს - 6 ადამიანი დაიჭრა