14:34 - 28 Mar, 2024
რეკლამა/ხელმოწერა
2020-09-18 22:25:53, 784 ნახვა

სამხედრო
ირაკლი ღარიბაშვილი: „ღირსეული პარტნიორი 2020” და მომავალ წელს დაგეგმილი „მტკიცე სული” არის საქართველოსა და ამერიკის შეერთებულ შტატებს შორის არსებული სტრატეგიული პარტნიორობის მკაფიო მაგალითი

მრავალეროვნული სწავლების „ღირსეული პარტნიორი 2020“ დახურვის ცერემონიალზე სიტყვით გამოსვლისას საქართველოს თავდაცვის მინისტრმა სამხედრო მოსამსახურეებს სწავლების წარმატებით დასრულება მიულოცა, წარჩინებული სამხედროები კი, საშტატო იარაღით დააჯილდოვა. ირაკლი ღარიბაშვილის განცხადებით, მსგავსი წვრთნების საქართველოში ჩატარება და ქართველი ჯარისკაცების მონაწილეობა მათ პროფესიონალიზმსა და საერთაშორისო პარტნიორებთან მჭიდრო თანამშრომლობას ადასტურებს.

„აღნიშნული სწავლებით ჩვენ ყველას კიდევ ერთხელ ვაჩვენეთ, რომ ნებისმიერი, მათ შორის, უხილავი გამოწვევის მიუხედავად, თანამშრომლობა ჩვენს პარტნიორებთან კიდევ უფრო ღრმავდება, ჩვენი სამხედროები მუდამ მზად არიან, პარტნიორებთან ერთად განაგრძონ მზადყოფნის ამაღლება ჩვენი საერთო მიზნისა და საერთო ღირებულებების დასაცავად. საერთო ღირებულებები არის სწორედ ის ქვაკუთხედი, რასაც ეფუძნება ჩვენი მტკიცე პარტნიორობა. ამ პარტნიორობას სწავლების განმავლობაში მონაწილე ქვეყნების სამხედროებს შორის ჩამოყალიბებული ნდობა კიდევ უფრო მყარს ხდის” , - განაცხადა მინისტრმა.

როგორც თავდაცვის მინისტრმა აღნიშნა, მრავალეროვნული სწავლებების მასპინძლობა ხელს უწყობს პარტნიორ ქვეყნებს შორის ნდობისა და ურთიერთთავსებადობის ამაღლებას, რაც რეგიონული და გლობალური უსაფრთხოების დაცვის საქმეში მნიშვნელოვან როლს ასრულებს. სიტყვით მიმართვისას, მინისტრმა მომავალ წლებში დაგეგმილ მნიშვნელოვან მრავალეროვნულ სამხედრო სწავლებებზე, „მტკიცე სულსა“ და ნატოს-საქართველოს ერთობლივი სწავლების მნიშვნელობაზე გაამახვილა ყურადღება.




ავტორი: NS (სტატია დაფინანსებულია),


სოციალური ქსელები
გენერალური პროკურორის მოადგილე სირაკუზის საერთაშორისო ინსტიტუტის პრეზიდენტს და გენერალურ დირექტორს შეხვდა
ბაკურიანში, მთის ფერდობიდან თოვლის მასა ჩამოიშალა - ზვავში, სავარაუდოდ, მოყოლილია ერთი ადამიანი
თენგიზ ნასარიძე - სოფლის მეურნეობის დარგში ინვესტიციის ჯამურმა მოცულობამ 7,64 მილიარდ ლარს გადააჭარბა
„საქართველოს ფოსტის“ ორგანიზებითა და თბილისის სახელმწიფო უნივერსიტეტის მხარდაჭერით, გამოფენა „ქართული განათლება, კულტურა და საფოსტო მარკები“ გაიმართა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics