"თქვენ შეხვდით მოსახლეობის კონსტრუქციულ ნაწილს, ჯანსაღ, ნამდვილ ადამიანებს, ნამდვილ ფერმერებს და არა გადაცმულ "ნაციონალური მოძრაობის" წევრებს, რომლებსაც ვენახი არც  უნახავთ თვალით",-ასე მიმართა საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე სოფლის მეურნეობის მინისტრ ოთარ დანელიას.
მისივე თქმით, მოსახლეობის იმ ნაწილს, რომელსაც შექმნილი მდგომარეობა გულწრფელად აღელვებთ, უნდა აუხსნან, რომ კომპანიებს ექსპორტის კლების გამო, რთული ვითარება აქვთ. პრემიერის განცხადებით, სახელმწიფო გლეხის მდგომარეობის გასაუმჯობესებლად მაქსიმალურს  აკეთებს.
"ეს სიტუაცია უნდა დავაწყნაროთ, მოსახლეობა დავამშვიდოთ, ავუხსნათ, რომ  წელს კომპანიებს აქვთ რთული ვითარება ფიზიკურად. მათ  რომ არ გაეთვალისწინებინათ პოლიტიკური სიტუაციაც, მოსახლეობის მძიმე  მდგომარეობაც,  მთელი ეს ფაქტორები, მე არ გამოვრიცხავ იმ ვარიანტს, რომ კომპანიების დიდ ნაწილს უარი ეთქვა  საერთოდ ჩაბარებაზე.ამ კომპანიებმა  თავიანთ  თავზე აიღეს რისკი. მე მათიც მესმის.შეუმცირდათ გაყიდვები, რუსეთში ვეღარ გააქვთ იმდენი, ევროპაშიც მძიმედ გადის, ექსპორტში კლება გვაქვს. კომპანიებს აქვთ მიმე ვითარება ამ მიმართულებით.სახელმწიფოს რაც შეუძლია 60 მლნ ლარამდე ხარჯავს.რაც დახარჯა  გასულ წელს, იგივეს დახარჯავს წელს. ეს არის სუბსიდირების თანხა. მინდა აღვნიშნო, რომ კახეთის გარდა 9 რეგიონი გვაქვს,  იქაც რთული ვითარებაა. პრობლემებია და ყველა ადამიანს თანაბრად უნდა დავეხმაროთ.  თქვენ პროვოკატორებს არ უნდა შეხვდეთ. ვიცი, რომ მოსახლეობის  ნაწილი ითხოდა თქვენთან შეხვედრას, მაგრამ გირჩევდით, რომ  პროვოკატორებს არ შეხვდეთ და არ მისცეთ ვიღაც დესტრუქციულ ძალებს, გამოიყენონ  ეს შეხვედრა სიტუაციის უფრო დასაძაბვად. თქვენ შეხვდით მოსახლეობის კონსტრუქციულ ნაწილს.ჯანსაღ, ნამდვილ ადამიანებს, ნამდვილ ფერმერებს და არა გადაცმულ "ნაციონალური მოძრაობის" წევრებს, რომლებსაც ვენახი არც  უნახავთ თვალით. არც ვენახი აქვთ, არც ყურძენი და საერთოდ არ ანაღვლებთ ქართველი გლეხის მდგომარეობა",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომპანიებმა დაიწყეს საოჯახო კალათის ფარგლებში პროდუქტების იდენტიფიცირება - რითეილ ასოციაცია

გუდვილი ასევე დეილის, სპარს, კალათას, მაგნიტს, გვირილას და იოლს მაღაზიათა ქსელი შექმნიან პირველადი მოხმარების პროდუქტების კალათას, რომელზედაც მინიმალური სავაჭრო მარჟა დაწესდება

ელენე ხოშტარია - ნონსენსია ფასების გაიაფების მოლოდინი ქვეყანაში, რომლის მთავრობაც არალეგიტიმურია

გდდ-ს ხელმძღვანელის პოზიციას ბაადურ შენგელია დაიკავებს