სასჯელაღსრულების მე-7 დაწესებულებაში 10 პატიმარი შიმშილობს. ამის შესახებ ერთ-ერთი პატიმრის  ადვოკატმა  ზურაბ თოდუამ დღევანდელ პრესკონფერენციაზე განაცხადა. მისივე განმარტებით, მოშიმშილე პატიმრები ციხეში არსებულ  პირობებს აპროტესტებენ. კერძოდ, ადვოკატის თქმით, პატიმრებს წამლები და სამედიცინო მომსახურება არ აქვთ, ასევე არ შეუძლიათ საკვები პროდუქტის შეძენა.
ზურაბ თოდუას ინფორმაციით, ოთხმა მსჯავრდებულმა  პროტესტის უკიდურეს ზომებს მიმართა- ერთმა ჭანჭიკი და საწერი კალამი გადაყლაპა, სამმა კი- თერმომეტრები.
"არ შეიძლება ადამიანს არაადამიანური ფორმით ელაპარაკო. როგორ შეიძლება ადამიანს კვების პროდუქტის შეძენა აუკრძალო. ჰაერის მიწოდება, რა ფორმაა ეს?!ასეთი წესი შეიძლება აფრიკის ქვეყნებშიც კიარ იყოს. პატიმრები არაადამიანურ პირობებს აპროტესტებენ. იმ ზომამდე მივიდნენ, რომ  მათგან ზოგმა თერმომეტრი გადაყლაპა, ზოგმა ავტოკალამი, ზოგმა ჭანჭიკიც",-განაცხადა ადვოკატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა

ტრამპმა ზელენსკი შეაქო: „ის საკმაოდ კარგ საქმეს აკეთებს“.