დედაქალაქის მერია მთავრობის დღევანდელ სხდომაზე თბილისის ზღვაზე ახალი ზოოპარკის გახსნაზე თანხმობა მიიღო.

ამის შესახებ თბილისის მერმა დავით ნარმანიამ მთავრობის სხდომის დასრულების შემდეგ ჟურნალისტებს განუცხადა.

მისივე თქმით, ახალი ზოოპარკი 47 ჰექტარზე განთავსდება, ტენდერი კი, უახლოეს დღეებში გამოცხადდება.

"საქართველოს მთავრობისგან ძალიან მნიშვნელოვან საკითხზე მივიღეთ თანხმობა, რომელიც შეეხება თბილისის ზღვის მიმდებარე ტერიტორიაზე ახალი ზოოპარკის მშენებლობის დაწყებას, კერძოდ პირველი ეტაპი ითვალისწინებს ზოოპარკის ტერიტორიის შემოღობვას, რისთვისაც 5 დღიანი გამარტივებული ელექტრონული ტენდერი გამოცხადდება, დაინტერესებულ კომპანიებს შეუძლიათ მონაწილეობა მიიღონ. მე მოვუწოდებ განსაკუთრებით ძლიერ და გამოცდილ კომპანიებს, მონაწილეობა მიიღონ, საკმაოდ მნიშვნელოვანი პროექტია და ითვალისწინებს 2 მილიონ ლარამდე სამუშაოების შესრულებას. ზოოპარკი განთავსდება "სოკარის" ბენზინგასამართ სადგურსა და სენსროლოგიურ პარკს შორის", - აღნიშნა ნარმანიამ.

მერის ინფორმაციით, ახალი ზოოპარკის გახსნამდე ძველი ზოოპარკი იფუნქცონირებს, რომელიც 10 დღეში გაიხსნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს