გიორგი გეჯაძე ტექნიკური და სამშენებლო ზედამხედველობის სააგენტოს უფროსად დაინიშნა. ის თანამშრომლებს ეკონომიკისა და მდგრადი განვითარების მინისტრმა ნათია თურნავამ წარუდგინა. წარდგენას ასევე დაესწრო კურატორი მინისტრის მოადგილე გენადი არველაძე.

მინისტრმა მადლობა გადაუხადა სააგენტოს ყველა თანამშრომელს გაწეული საქმიანობისთვის, განსაკუთრებით, მათ, რომლებიც როგორც საგანგებო მდგომარეობის დროს, ისე ახლაც ახორციელებენ ეკონომიკური სუბიექტების უსაფრთხოების მონიტორინგს და ახდენენ ჯანდაცვის სამინისტროს შრომის ინსპექციის თანამშრომლებთან ერთად კომპანიების ინსპექტირებას, თუ რამდენად ასრულებს ბიზნესი ჯანდაცვის სამინისტროს მიერ შემუშავებულ კორონავირუსის გავრცელების პრევენციის მიზნით შემუშავებულ გაიდლაინებს.

ნათია თურნავას განცხადებით, სააგენტო ერთ-ერთი მნიშვნელოვანი უწყებაა ეკონომიკისა და მდგრადი განვითარების სამინისტროს სისტემაში და იმედი გამოთქვა, რომ ახალგაზრდა პროფესიონალ ხელმძღვანელთან ერთად წარმატებით იქნება დაძლეული სააგენტოს წინაშე არსებული გამოწვევები.

გიორგი გეჯაძე კონკურსის წესით შეირჩა. მანამდე ის თბილისის მერიის მუნიციპალური ინსპექციის უფროსის მოადგილედ მუშაობდა. ტექნიკური და სამშენებლო ზედამხედველობის სააგენტოს ახალ ხელმძღვანელს აქვს საჯარო და კერძო სექტორში საქმიანობის მრავალწლიანი გამოცდილება.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა