2020-07-01 15:11:12, 8123 ნახვა
სამხედრო
თავდაცვის ძალების ახალმა მეთაურმა უფლებამოსილება გადაიბარა
დღეიდან საქართველოს თავდაცვის ძალებს გენერალ-მაიორი გიორგი მათიაშვილი უხელმძღვანელებს. თავდაცვის ძალების მეთაურის უფლებამოსილების გადაბარების ცერემონიალი ვაზიანში, მეოთხე მექანიზებული ბრიგადის სამწყობრო მოედანზე გაიმართა. გენერალ-ლეიტენანტმა ვლადიმერ ჩაჩიბაიამ გენერალ-მაიორ გიორგი მათიაშვილს თავდაცვის ძალების მეთაურის დროშა ოფიციალურად გადააბარა. „თავდაცვის ძალების დროშის გადაცემა სიმბოლურად გამოხატავს ჯარში თაობათა შორის არსებულ უწყვეტ კავშირს და ურთიერთპატივისცემას. ამ ტრადიციით ჩვენ მომავალ განვითარებას მიღწეულ წარმატებებზე ვაფუძნებთ“, - აღნიშნა საქართველოს თავდაცვის მინისტრმა თავდაცვის ძალების მეთაურის უფლებამოსილების გადაბარების ცერემონიალზე. ირაკლი ღარიბაშვილმა გენერალ-ლეიტენანტ ვლადიმერ ჩაჩიბაიას თავდაცვის ძალების განვითარებაში შეტანილი წვლილისა და ქვეყნის წინაშე გაწეული ღირსეული სამსახურისთვის მადლობა გადაუხადა და მომავალ საქმიანობაში წარმატებები უსურვა. სიტყვით გამოსვლისას, თავდაცვის მინისტრმა აღნიშნა, რომ თავდაცვის ძალების ახალი მეთაური, გენერალ-მაიორი გიორგი მათიაშვილი გამოირჩევა ევროპაში მიღებული უმაღლესი სამხედრო განათლებითა და უმაღლესი დონის პროფესიონალიზმით. უწყების ხელმძღვანელმა იმედი გამოთქვა, რომ ერთობლივი ძალისხმევით კიდევ უფრო გაძლიერდება ქვეყნის თავდაცვისუნარიანობა და ქართული ჯარი. ღონისძიებაზე მოწვეულ სტუმრებს სიტყვით მიმართეს საქართველოს პრეზიდენტმა სალომე ზურაბიშვილმა და თავდაცვის ძალების ყოფილმა მეთაურმა გენერალ-ლეიტენანტმა ვლადიმერ ჩაჩიბაიამ. მათ გენერალ-მაიორ გიორგი მათიაშვილს ახალ თანამდებობაზე დანიშვნა მიულოცეს და წარმატებები უსურვეს. ცერემონიალზე სიტყვით გამოვიდა თავდაცვის ძალების ახალი მეთაურიც. გენერალ-მაიორი გიორგი მათიაშვილი საქართველოს თავდაცვის ძალების მეთაურის თანამდებობაზე საქართველოს პრეზიდენტის განკარგულების N29/06/02 თანახმად დაინიშნა. 2019 წლიდან დღემდე, გენერალ-მაიორი გიორგი მათიაშვილი თავდაცვის ძალების მეთაურის მოადგილისა და გენერალური შტაბის უფროსის თანამდებობას იკავებდა. სამხედრო აკადემიის დასრულების შემდეგ, 1998 წლიდან დაიწყო მისი ოფიცრის სამხედრო კარიერა. გენერალ მათიაშვილს სამხედრო განათლება ასევე მიღებული აქვს ევროპაში, გერმანიის ფედერაციულ რესპუბლიკაში - ბუნდესვერის სამხედრო სასწავლებელში დაასრულა ოფიცრის საწყისი კურსი, ასეულის მეთაურის კურსი, ბუნდესვერის გენერალური შტაბის აკადემია. სამხედრო სამსახურის პერიოდში გენერალი მათიაშვილი თავდაცვის ძალებში სხვადასხვა მნიშვნელოვან პოზიციას ხელმძღვანელობდა, მათ შორის ეკავა სამეთაურო თანამდებობები. 2016 წლიდან იგი დაინიშნა სახმელეთო ჯარების სარდლის მოადგილედ, 2018 წელს კი, სახმელეთო ჯარების დასავლეთის სარდლად. გენერალ-მაიორი გიორგი მათიაშვილი დაჯილდოებულია: ღირსების ორდენით, ვახტანგ გორგასლის III ხარისხის ორდენით, 7 მედლით და საშტატო ცეცხლსასროლი იარაღით. ავტორი: NS (სტატია დაფინანსებულია), აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|