2020-06-12 21:12:17, 6265 ნახვა
სამხედრო
ღარიბაშვილი - მე, როგორც თავდაცვის მინისტრი, არ დავუშვებ არცერთი პოლიტიკური პარტიის ინტერესების გატარებას ქართულ ჯარში
მე, როგორც თავდაცვის მინისტრი, არ დავუშვებ არცერთი პოლიტიკური პარტიის ინტერესების გატარებას ქართულ ჯარში. ჩემი რეაგირება იქნება მაქსიმალურად მკაცრი, როგორიც კანონის მიხედვით განსაზღვრული და გაწერილია, - ამის შესახებ, თავდაცვის მინისტრმა ირაკლი ღარიბაშვილმა განაცხადა. ღარიბაშვილმა ამ განცხადებით „მინისტრთა საათზე“ ოპონენტებს უპასუხა და აღნიშნა, რომ სამხედროების 99% აპოლიტიკურია. „მე გულწრფელად გეტყვით, რომ ჩვენი სამხედროების 99% აპოლიტიკურია. თუ 1% ან 0.1% არის პოლიტიკურად ანგაჟირებული, მათ კანონის ფარგლებში სათანადო ადგილს მივუჩენთ, ზედმეტი ჩარევა არ დაგვჭირდება. როცა დავინიშნე თანამდებობაზე, მე ვთქვი, რომ ჯარში მე არ შემომაქვს არავითარი პოლიტიკური ინტერესი, მიუხედავად იმისა, რომ ვიყავი პრემიერ-მინისტრი და ახლაც პარტიის პოლიტიკური მდივანი ვარ. ვერცერთ პრეცედენტს ვერ დამისახელებთ ვერცერთი ჩვენი ვითომ ოპონენტი და დესტრუქციული ძალა, რეალურად ანტიეროვნული ძალები, რომლებიც ცდილობენ ყველას და ყველაფრის წაბილწვასა და პოლიტიზებას. ჩვენ ვიქნებით ძალიან ყურადღებით და დავაკვირდებით ამ პროცესს ძალიან დიდი ყურადღებით“, - განაცხადა თავდაცვის მინისტრმა. ავტორი: ექსპრესნიუსი, |
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|