ავღანეთში, ბაგრამის საავიაციო ბაზაზე გეგმური სამხედრო სწავლება გაიმართა. როგორც „ექსპრესნიუსს“  საქართველოს თავდაცვის სამინისტროდან აცნობეს, სწავლებაში საქართველოს შეიარაღებული ძალების IV მექანიზირებული ბრიგადის 43-ებატალიონის სამხედრო მოსამსახურეები მონაწილეობდნენ.

უწყების ინფორმაციით, 43-ე ბატალიონის სამხედროები პირობითად დაშავებულის ევაკუაციის, სწრაფი რეაგირების და უსაფრთხოების სხვა ელემენტების შესრულებაში გადიან წვრთნებს.

ტაქტიკურ მეცადინეობამდე ქართველ სამხედროებს საბრძოლო წვრთნები ავტომატურ საცეცხლე მომზადებაში ჩაუტარდათ. სწავლება ბაგრამის საავიაციო ბაზის უსაფრთხოების სხვადასხვა სექტორებში ამერიკული სამხედრო ჯავშანმანქანების გამოყენებით გაიმართა.

სამხედრო სწავლებები ბაგრამის საავიაციო ბაზაზე სისტემატურად ტარდება. მისი მიზანი 43-ე ბატალიონის საბრძოლო მზადყოფნის ხარისხის მაღალ დონის შენარჩუნებაა.

საქართველოს შეიარაღებული ძალების IV მექანიზირებული ბრიგადის 43-ე ბატალიონი "მტკიცე მხარდაჭერის" მისიაშია ჩართული. ბატალიონის მთავარ ამოცანას ბაგრამის საავიაციო ბაზის უსაფრთხოების უზრუნველყოფა წარმოადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას