თბილისის საქალაო სასამართლომ ნიკოლოზ ბასილაშვილს გირაოდ 100 ათასი ლარი შეუფარდა, - ამის შესახებ ყოფილი მეუღლის მიმართ ძალადობის ბრალდებით დაკავებული ჩოგბურთელის, ნიკოლოზ ბასილაშვილის საქმის პროკურორმა, ნათია გურულმა ჟურნალისტებს განუცხადა.

მისი თქმით, სპორტსმენს გიორაოს გადახდისთვის 30-დღიანი ვადა მიეცა და წინასწარი პატიმრობიდან გათავისუფლებას სწორედ თანხის გადახდის შემდეგ შეძლებს.

„სასამართლომ გაიზიარა ნაწილობრივ ბრალდების მხარის მოთხოვნა და ნიკოლოზ ბასილაშვილს შეუფარდა აღკვეთის ღონისძიება, თუმცა სასამართლო არ დაგვეთანხმა იმ გარემოებაში, რომ არსებობდა მაღალი რისკები ჩადენილიყო ახალი დანაშაული, ასევე განადგურებულიყო მტკიცებულება, ან მომხდარიყო ნიკოლოზ ბასილაშვილის მიმალვა. თუმცა, ეს არცერთ შემთხვევაში არ უნდა იყოს გაგებული ისე, რომ სასამართლომ ჩათვალა, რომ მტკიცებულებები არ არსებობდა

ფაქტს რომ ნიკოლოზ ბასილაშვილის მამას შემაკავებელი ორდერი აქვს გამოწერილი ვადასტურებ, თუმცა ფიზიკურად ძალადობის შესახებ თავად დაზარალებულიც არ მიუთითებს ამ ეტაპზე, შესაბამისად ბრალდება წარდგენილია მხოლოდ ნიკოლოზ ბასილაშვილის მიმართ. გამოძიება გრძელდება. მიმდინარე წლის 16 ივლისს ჩაინიშნა წინასაასამრთლო სხდომა და ბრალდების მხარე ამ დრომდე მოიპოვებს ყველა მტკიცებულებას და წარადგენს მას“, - განაცხადა ნათია გურულმა.

ცნობისთვის, საქართველოს პროკურატურის ინფორმაციით, ბასილაშვილის მიმართ გამოძიება სსკ-ის 126-ე მუხლის მეორე ნაწილის „ბ“ ქვეპუნქტით მიმდინარეობს. აღნიშნული მუხლი არასრულწლოვნის თანდასწრებით მისივე ოჯახის წევრის მიმართ ძალადობას გულისხმობს.

გამოძიებით დადგინდა, რომ 2020 წლის 21 მაისს, ქ.თბილისში, ავჭალის დასახლებაში, ნ.ბ.-მ, ურთიერთშელაპარაკების ნიადაგზე, ყოფილი მეუღლის ნ.დ.-ს მიმართ ფიზიკური ძალადობა განახორციელა.

ავტორი: ექსპრესნიუსი,

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა