შუახევში 2 285 ოჯახი სასურსათო კალათს მიიღებს

2020-05-24 13:37:45, 1246 ნახვა

რეგიონი

შუახევის მუნიციპალიტეტში სასურსათო კალათების დარიგების მეორე ეტაპი გრძელდება.

პირველადი მოხმარების სასურსათო პროდუქტები ბენეფიციარებს შუახევის საკრებულოს თავმჯდომარე გიორგი დავითაძემ, შუახევის მერის მოადგილე ომარ ტაკიძემ, მოხალისეებმა და საჯარო მოხელეებმა მიუტანეს.

აჭარის მთავრობის მხარდაჭერით, სასურსათო კალათას ამ ეტაპზე შუახევში მცხოვრები 2 285 ოჯახი მიიღებს.

პირველ ეტაპზე აჭარის რესპუბლიკური ბიუჯეტიდან აჭარაში მაცხოვრებელ 10 ათასზე მეტ ოჯახს გადაეცა სურსათო პროდუქტები და მედიკამენტები, მეორე ეტაპზე დამატებით 20 ათასი ოჯახი მიიღებს სარგებელს.

აჭარის მთავრობის, საერთაშორისო ორგანიზაციების, კერძო სექტორის მონაწილეობით აჭარაში ჯამში 60 ათასზე მეტი კალათა დარიგდა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),