პარლამენტის ფრაქცია „ქართული ოცნების"  თავმჯდომარე რატი იონათამიშვილის განცხადებით, ოპოზიციისგან 8 მარტის შეთანხმების დარღვევა გაკვირვებას არ უნდა იწვევდეს, ვინაიდან მათ თავიდანვე არ უნდოდათ, რომ ეს კონსენსუსი შემდგარიყო.

იგი მოუწოდებს ოპოზიციას არ გაცდნენ შეთანხმების ფორმატს, წინააღმდეგ შემთხვევაში მძიმე პოლიტიკური ფასის გადახდა მოუწევთ.

„ვფიქრობ, რომ ჩვენ უკვე შეგვიძლია აღარ ვილაპარაკოთ შეთანხმების ტექსტზე, არამედ ვისაუბროთ იმაზე, თუ რატომ აპელირებს მუდმივად ოპოზიციის ეს უპასუხისმგებლო ნაწილი იმაზე, რომ დაარღვევს 8  მარტის შეთანხმებას. საზოგადოებას ძალიან კარგად ახსოვს, რომ მათ არც მაშინ არ უნდოდათ, რომ კონსესუსი შემდგარიყო და ეს იყო მათთვის იძულება. მოვუწოდებ მათ, რომ არ გავიდნენ შეთანხმების ფორმატის მიღმა, რადგანაც ამ შემთხვევაში მათ ძალიან მძიმე პოლიტიკური ფასის გადახდა მოუწევთ", - განაცხადა რატი იონათამიშვილმა.​

ავტორი: ექსპრესნიუსი,

სოციალური ქსელები

ნიკა გვარამია: ღარიბაშვილს მოსაყოლი ისტორია აქვს

გიორგი გახარიას ადვოკატი ჩორჩანას საქმეზე ირაკლი კობახიძის დაკითხვას ითხოვს

ღარიბაშვილი: სხვა გზა არ დამიტოვეს, რომ წინ არ აღვუდგე ამ ღირსების შემლახავ ბოროტებას

თუ იქნება მოთხოვნა, კიდევ შევიტანთ, თუ ჯვარზე გაგვაკრეს, აღარ მინდა – სოლიდუსის მფლობელი