2020-05-12 09:27:48, 1087 ნახვა

---

ბაქრაძე - აშშ-სა და ევროკავშირის მისიებმა მკაფიოდ დააფიქსირეს პოზიცია, რომ ოქრუაშვილის განაჩენი ეწინააღმდეგება 8 მარტის შეთანხმებას

 „აშშ-სა და ევროკავშირის მისიამაც ძალიან მკაფიოდ დააფიქსირეს საკუთარი პოზიცია, რომ ეს განაჩენი ეწინააღმდეგება 8 მარტის შეთანხმების პრინციპებს“, - ამის შესახებ „ევროპული საქართველოს“ ლიდერმა, დავით ბაქრაძემ განაცხადა.

მისი თქმით, საელჩოებმა 8 მარტის შეთანხმების შესახებ არაერთხელ დააფიქსირეს საკუთარი პოზიცია და თუ კიდევ ერთხელ გააკეთებენ ამას, ბაქრაძე მიესალმება ამგვარ ნაბიჯს.

„ჩვენ უკვე ვიხილეთ ძალიან მკაფიო განცხადებები, მაგალითად აშშ-სა და ევროკავშირის საელჩოებისგან, როცა საუბარი იყო ირაკლი ოქრუაშვილის დაჭერასა და მისთვის სასჯელის მისჯაზე. გვახსოვს, რომ მაშინ აშშ-სა და ევროკავშირის მისიამაც ძალიან მკაფიოდ დააფიქსირეს საკუთარი პოზიცია, რომ ეს განაჩენი ეწინააღმდეგება 8 მარტის შეთანხმების პრინციპებს. ამიტომ მათი პოზიცია უკვე გამოხატულია, მაგრამ ვიმეორებ თუ კიდევ ერთხელ გააკეთებენ ამას მხოლოდ და მხოლოდ მივესალმები ამას, რადგან სპეკულაცია უნდა დასრულდეს“, - განაცხადა დავით ბაქრაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი