რუსთავის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ორი პირის განზრახ მკვლელობისთვის და ქურდობისთვის ბრალდებული გ.ი. დამნაშავედ ცნო.

ამის შესახებ „ექსპრესნიუსს“ გენერალურმა პროკურატურამ განუცხადა.

სასამართლო  პროცესზე  გამოკვლეული  მტკიცებულებებით დადასტურდა, რომ  2019 წლის 6 ივნისს, გარდაბნის რაიონის, სოფელ ქვედა კაპანახჩში გ.ი. ცოლ-ქმრის, ი.მ.-ს და შ.მ.-ს თანხის დაუფლების მიზნით, მათი საცხოვრებელი სახლის ეზოში მივიდა, რა დროსაც გარეთ გამოსულ ი.მ.-ს თავის არეში ლითონის მილი, ხოლო შ.მ.-ს ჯოხი რამდენჯერმე ჩაარტყა. მიყენებული დაზიანებების შედეგად ცოლ-ქმარი ადგილზე გარდაიცვალნენ. აღნიშნულის შემდეგ გ.ი. მათ საცხოვრებელ სახლში შევიდა, 1050 ლარს დაეუფლა და შემთხვევის ადგილიდან მიიმალა.

სამართალდამცავებმა გ.ი. 2020 წლის 5 თებერვალს გარდაბნის რაიონის სოფელ კაპანახჩში დააკავეს. მას ბრალდება სისხლის სამართლის კოდექსის 109-ე მუხლის 1-ლი ნაწილის ,,გ'' და მე-3 ნაწილის ,,ა'' ქვეპუნქტებით (განზრახ მკვლელობა ორი პირის, სხვა დანაშაულის  ჩადენის გაადვილების მიზნით), 177-ე მუხლის მე-2 ნაწილის ,,ა'' და მე-3 ნაწილის  ,,გ'' ქვეპუნქტებით (ქურდობა, ესე იგი სხვისი მოძრავი ნივთის ფარული დაუფლება მართლსაწინააღმდეგო მისაკუთრების მიზნით, რამაც მნიშვნელოვანი ზიანი გამოიწვია, ჩადენილი ბინაში უკანონო შეღწევით) წარედგინა და აღკვეთის ღონისძიების სახით პატიმრობა შეეფარდა.

რუსთავის საქალაქო სასამართლომ გ.ი. დამნაშავედ ცნო წარდგენილ ბრალდებებში და სასჯელის  სახედ და ზომად 19  წლით თავისუფლების აღკვეთა განუსაზღვრა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ზელენსკი: აშშ-ს ზამთრისთვის ომის დეესკალაცია სურს

ტრამპი: ჩვენ მოვიგებთ შუალედურ არჩევნებს და გადავარჩენთ ამერიკას

ღარიბაშვილი - ბევრი სახედაკარგული ადამიანის უღირსი, ყალბი და ფარისევლური განცხადება და კომენტარი მოვისმინე, ისინი ჩემგან პასუხის ღირსნიც კი არ არიან

ღარიბაშვილი - საზოგადოებამ იხილა ხელისუფლების მორიგი სასაცილო და, ამავდროულად, სრულიად ამაზრზენი და ტრაგიკული მასკარადი - ტყუილად ნუ წვალობთ