შეიხი მირტაგ ასადოვი და სრულიად საქართველოს მუსლიმთა უმაღლესი სასულიერო სამმართველოს რამდენიმე დამფუძნებელი სახელმწიფო უსაფრთხოების სამსახურში „საბოტაჟის“ გამოძიების ფარგლებში დაიბარეს - განაცხადა ადამიანის უფლებების სწავლებისა და მონიტორინგის ცენტრმა, EMC-მ.

მათი თქმით ასადოვის სუს-ში დაბარება უკავშირდება მის გაცხადებას აღდგომის დღესასწაულთან დაკავშირებით, სადაც მან „თეკრატია“ გააკრიტიკა და მათ ასევე აღნიშნეს, რომ თავდაპირველად სუს-ს არ განუმარტავს დაბარების მიზეზი.

„მირტაგ ასადოვი ამ პროცესს გუშინ ტელეკომპანია „მთავარში“ მის მიერ მიცემულ ინტერვიუს უკავშირებს, სადაც მან განმარტა, რომ საქართველო არ არის თეოკრატიული ქვეყანა, ის სეკულარული სახელმწიფოა და დაყოფა "ჩვენ-სხვები" სწორი არ არის. ჟურნალისტის კითხვაზე კი, თუ რას ფიქრობდა მთავრობის გადაწყვეტილებაზე, რომ ეკლესიები არ დაიკეტებოდა დღესასწაულზე, მან კითხვითვე უპასუხა: "მაშინ ჩვენც გავხსნით მეჩეთებს რამადანზე და ვნახოთ პრემიერ-მინისტრი ჩვენ მიმართ როგორ მოიქცევა". მირტაგის განმარტებით ეს მხოლოდ რიტორიკული კითხვა იყო“, - ნათქვამია განცხადებაში.

არსებობს ასევე მეორე ვერსია, რომლიც მარნეულში განვითარებული მოვლენებს უკავშირდება, სადაც მანქანის სიგნალებით აპროტესტებდა მოსახლეობა ჰუმანიტარულ კრიზისს, თუმცა მუსლიმთა უმაღლესი სასულიერო სამმართველოს დამფუძნებლები ირწმუნებიან, რომ მათ ამ საპროტესტო აქციასთან არანაირი საერთო არ აქვთ.

EMC-ის თქმით ორივე შემთხვევაში სუს-ის გადაწყვეტილება უსამართლოა, რადგან ხელისუფლება უფრთხილდება საპატრიარქოს და მათ გადაწყვეტილებებს გაგებით ეკიდება ამ დროს მუსლიმი სასულიერო პირების დაბარება არაკორექტულია, მითუმეტეს როდესაც ეს ეჭვები მხოლოდ რიტორიკულ კითხვაზეა დაფუძნებული და საპატრიარქოსგან გასნხვავებით პანდემიის გავრცელებასთან ერთად, საქართველოში სხვადსახვა რელიგიის წარმომადგენლებმა, მათშორის მუსლიმთა სამმართველომ სრულიად მთელი ქვეყნის მასშტაბიტ მეჩეთებში ლოცვა მთლიანად შეაჩერა.

როდესაც მუსლიმთა სამმართველო მსგავს გადაწყვეტილებებს იღებს, ამის პარალელურად საქართველოს მართლმადიდებელი ეკლესია, რომლის მიმდევარიც საქართველოს მოსახლეობის უმეტესოობაა მსახურებას აგრძელებს. ისინი ირწმუნებიან, რომ მრევლი ტაძრებში სიტანციას დაიცავს, თუმცა შეუძლებელია მსგავსმა გადაწყვეტილებამ პანდემიის გავრცელების რისკი მნიშვნელოვნად შეამციროს, რადგან საპატრიარქო უარზეა შეცვალოს ერთი კოვზით ზიარების ტრადიცია.

გამოძიება სისხლის სამართლის კოდექსის 318-ე მუხლის (საბოტაჟი) საფუძველზე მიმდინარეობს.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ზელენსკი: აშშ-ს ზამთრისთვის ომის დეესკალაცია სურს

ტრამპი: ჩვენ მოვიგებთ შუალედურ არჩევნებს და გადავარჩენთ ამერიკას

ღარიბაშვილი - ბევრი სახედაკარგული ადამიანის უღირსი, ყალბი და ფარისევლური განცხადება და კომენტარი მოვისმინე, ისინი ჩემგან პასუხის ღირსნიც კი არ არიან

ღარიბაშვილი - საზოგადოებამ იხილა ხელისუფლების მორიგი სასაცილო და, ამავდროულად, სრულიად ამაზრზენი და ტრაგიკული მასკარადი - ტყუილად ნუ წვალობთ