სასჯელაღსრულებისა და პრობაციის სამინისტროს პენიტენციურ დაწესებულებებში 2016 წლის საპარლამენტო არჩევნებისთვის ხმის მიცემის პროცესი მშვიდ ვითარებაში მიმდინარეობს.

საქართველოს კათოლიკოს-პატრიარქმა ილია მეორემ არჩევნებზე საკუთარი არჩევანი უკვე დააფიქსირა.

დაბა ნასაკირალის საკრებულოს დეპუტატი „ნაციონალური მოძრაობიდან“ ბესიკ ქათამაძე ოზურგეთის მუნიციპალიტეტის დაბა ნასაკირალში ამომრჩევლებზე ფსიქოლოგიურ ზეწოლას ახდენს.

ბათუმის #1 უბნიდან „ნაციონალური მოძრაობის“ წარმომადგენელი გააძევეს.ცესკოს სპიკერის ანა მიქელაძის ინფორმაციით, იგი უბანზე  მყოფი ყველა დამკვირვებლის  განცხადებით, საარჩევნო  პროცესს ხელს უშლიდა.

შინაგან საქმეთა მინისტრმა, გიორგი მღებრიშვილმა საპარლამენტო არჩევნებში ხმა თბილისში, 26-ე საარჩევნო უბანზე მისცა.

ფოთის 61-ე საარჩევნო ოლქის მე-8 საარჩევნო უბანზე კენჭისყრის  წინა პროცედურები 30-40 წუთით შეფერხდა.

"ქართული ოცნება - დემოკრატიული საქართველოს" მაჟორიტარობის კანდიდატი ფოთის 70-ე ოლქში, ირაკლი ხახუბია საკუთარი არჩევანის დასაფიქსირებლად, მე-9 საარჩევნო უბანზე ოჯახთან ერთად მივიდა.

„ქართული ოცნება - დემოკრატიული საქართველოს“ საბურთალოს მე-4 ოლქის მაჟორიტარი დეპუტატობის კანდიდატმა მამუკა მდინარაძემ საკუთარი არჩევანი ცინცაძის ქუჩაზე მე-5 საარჩევნო ოლქში დააფიქსირა. 

რამდენიმე საარჩევნო  უბანზე ხმის მიცემის პროცესი დაგვიანებით დაიწყო.