ცენტრალური საარჩევნო კომისიის თავმჯდომარის თამარ ჟვანიას განცხადებით, „ნაციონალური მოძრაობის“ სიის მეორე ნომერის, სანდრა რულოვსისთვის პარლამენტის  წევრის უფლებამოსილების შეწყვეტის საკითხზე გადაწყვეტილება  საკანონმდებლო ორგანომ უნდა მიიღოს.

ვაშინგტონში თეთრ სახლთან ასობით ადამიანი შეიკრიბა და დონალდ ტრამპის არჩევნებში გამარჯვებას აპროტესტებს, - ამის შესახებ სააგენტო Reuters-ი იუწყება.

ევროკავშირის საგარეო პოლიტიკისა და უსაფრთხოების საკითხებში უმაღლესი კომისარის ფედერიკა მოგერინის განცხადებით, აშშ-სა და ევროკავშირს შორის კავშირები უფრო ღრმაა, ვიდრე ნებისმიერი ცვლილება პოლიტიკაში, - ამის შესახებ მოგერინი Twitter-ის საკუთარ გვერდზე წერს.

ამერიკაში პირველი საპრეზიდენტო არჩევნები 1788-89 წელს ჩატარდა. მას შემდეგ აშშ-მ 44 პრეზიდენტი გამოიცვალა.

საქართველოს პრემიერ-მინისტრი გიორგი კვირიკაშვილი დონალ ტრამპს ამერიკის შეერთებული შტატების საპრეზიდენტო არჩევნებში გამარჯვებას ულოცავს.

ევროპარლამენტის თავმჯდომარის მარტინ შულცის განცხადებით, "რესპუბლიკელი" დონალდ ტრამპის გამარჯვება ევროპასა და ამერიკას შორის ურთიერთობებს გაართულებს, - ამის შესახებ შულცმა ტელეკომპანია WDR-ის ეთერში განაცხადა.

რუსეთის პრეზიდენტმა ვლადიმერ პუტინმა დონალდ ტრამპს აშშ-ის საპრეზიდენტო არჩევნებში გამარჯვება მიულოცა, - ამის შესახებ ინფორმაციას კრემლის პრესსამსახური ავრცელებს.