ნატოს გენერალური მდივანი იენს სტოლტენბერგი რუსეთის აფხაზეთთან და სამხრეთ ოსეთთან მჭიდრო კავშირებით შეშფოთებულია, - ამის შესახებ სტოლტენბერგმა საქართველო-ნატოს კომისიის სხდომაზე განაცხადა. 

ლარი დოლართან მიმართებაში მცირედით გამყარდა.

 საპარლამენტო უმრავლესობის წევრის ეკა ბესელიას განცხადებით, ე.წ. ციანიდის საქმეზე გამოძიების დასრულებამდე  დაწყებული პოლიტიკური ველის შემზადება ძალიან სერიოზულ ეჭვებს ბადებს.

ნატოს თავდაცვის მინისტერიალის მეორე დღეს საქართველოს თავდაცვის მინისტრმა ლევან იზორიამ პირველი ორმხრივი შეხვედრა საერთაშორისო უსაფრთხოების საკითხებში აშშ-ის თავდაცვის მდივნის თანაშემწესთან კენეთ ჰენდელმანთან გამართა.

ბრიუსელში ნატოს თავდაცვის მინისტერიალის ფარგლებში საქართველოს თავდაცვის სამინისტროს დელეგაცია მინისტრ ლევან იზორიას ხელმძღვანელობით ორმხრივ შეხვედრებს განაგრძობს. 

საქართველოს თავდაცვის მინისტრი ლევან იზორია ნატოს გენერალურ მდივანს იენს სტოლტენბერგს ნატო- საქართველოს სხდომის დაწყებამდე შეხვდა. 

საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ წიგნის საჯაროდ კითხვის მსოფლიო დღეს შეუერთდა.   

„მთავარმა პროკურატურამ ერთ-ერთი მაღალი იერარქიის სასულიერო პირის შესაძლო მოწამვლის ფაქტთან დაკავშირებული განცხადებით, საქართველოს მოსახლეობა დაზაფრა, დღეს კი -პროკურატურა აცხადებს, რომ საუბარი ილია მეორის შესახებ არ ყოფილა“, - ამის შესახებ „ევროპული საქართველოს“ თავმჯდომარე დავით ბაქრაძემ განაცხადა.

მეუფე ანდრიამ დეკანოზი გიორგი მამალაძე მატროსოვის ციხეში მოინახულა.

საპარლამენტო უმრავლესობის ლიდერის არჩილ თალაკვაძის განცხადებით, მას არ უთქვამს, რომ პირი, რომლის მკვლელობის მცდელობაც იგეგმებოდა, პატრიარქი იყო.

დეკანოზი გიორგი მამალაძის მშობლების განცხადებით, მათ საგამოძიებო უწყებიდან დღემდე არავინ დაკავშირებიათ, თუმცა მათივე თქმით, უსაფრთხოების დაცვასთან დაკავშირებით, მამა გიორგის მსგავსი განცხადების გაკეთების საფუძველი სავარაუდოდ აქვს.
 

უნგრულმა ავიაკომპანია Wizz Air-მა ქუთაისი-ლონდონის მიმართულებით ავიაბილეთების გაყიდვა დაიწყო, - ამის შესახებ საგანგებო ბრიფინგზე საქართველოს ეკონომიკისა და მდგრადი განვითარების სამინისტროს  შპს „აეროპორტების გაერთიანების“ დირექტორმა ქეთევან ალექსიძემ განაცხადა.

საავტომობილო გზების დეპარტამენტის ინფორმაციით, ინტენსიური თოვისა და ძლიერი ქარბუქის გამო, ხაშური-ახალციხე-ვალე (თურქეთის რესპუბლიკის საზღვარი) საავტომობილო გზის კმ1-კმ50 მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა  თავისუფალია.

Heritage Foundation-ის მიერ გამოქვეყნებული ეკონომიკური თავისუფლების ინდექსის ანგარიშის თანახმად, საქართველო ეკონომიკური თავისუფლების მიხედვით მსოფლიოს 186 ქვეყანას შორის მე-13 ადგილზე, ხოლო ევროპის რეგიონის ქვეყნებს შორის მე-5 ადგილზეა. 

საქართველოს მთავრობის მიერ 9 თებერვალს მიღებული N73-ე დადგენილების გავლენის თაობაზე საქართველოს სადაზღვევო ინდუსტრიამ პრესკონფერენცია გამართა.

საქართველოს ეკონომიკისა და მდგრადი განვითარების სამინისტროსა და შრომის, ჯანმრთელობისა და სოციალური დაცვის სამინისტროს შორის, საწარმოებში სამუშაო ადგილზე უსაფრთხო და ჯანსაღი გარემოს შექმნის მიზნით, ურთიერთთანამშრომლობის მემორანდუმი გაფორმდა.