თბილისში, რესპუბლიკის მოედნიდან აქციის მონაწილეები პარლამენტის შენობისკენ მსვლელობას მართავენ.

მსვლელობაში, მოქალაქეებთან ერთად, ოპოზიციური კოალიციების ლიდერებიც მონაწილეობენ.

მსვლელობის მონაწილეები 26 ოქტომბრის საპარლამენტო არჩევნების შედეგებს არ აღიარებენ და ხელახალ არჩევნებს მოითხოვენ.

საკანონმდებლო ორგანოსთან გადანაცვლების შემდეგ, ისინი გეგმავენ, რომ შენობის მიმდებარე ტერიტორიაზე კარვები გაშალონ და ღამე გაათენონ, ხვალ კი, გააპროტესტონ მე-11 მოწვევის პარლამენტის პლენარული სხდომა, რომელიც 12:00 საათზე უნდა დაიწყოს.