ეკონომიკისა და მდგრადი განვითარების მინისტრის, ნათია თურნავას განცხადებით, ბოლნისისა და მარნეულის მუნიციპალიტეტებში ფუნქციონირებას გააგრძელებენ კრიტიკულ ინფრასტრუქტურასთან დაკავშირებული საწარმოები.

მინისტრის თქმით, იმ საწარმოების სრული სია, რომელიც აღნიშნულ მუნიციპალიტეტებში გააგრძელებენ ფუნქციონირებას დღეს გახდება ცნობილი.

„ბოლნისისა და მარნეულის მუნიციპალიტეტებთან დაკავშირებით მიღებული გადაწყვეტილების ეკონომიკურ ნაწილს რაც შეეხება, მოგეხსენებათ, დროებით საგანგებო კარანტინის მოქმედების მთელი პერიოდის მანძილზე ჩერდება ყოველგვარი ეკონომიკური საქმიანობა, კონკრეტულად ბოლნისისა და მარნეულის მუნიციპალიტეტებში. გარდა ისეთი საქმიეანობისა, რომელიც დაკავშირებულია სასურსათო და მედიკამენტებით უზრუნველყოფასთან. თუმცა, ამავდროულად ჩვენ და ჩემს კოლეგებს, ეკონომიკურ გუნდს აქვს დავალებული, რომ დღის ბოლომდე კონკრეტული ჩამონათვალი მოვამზადოთ, თუ რომელი საწარმოები აგრძელებენ ფუნქციონირებას. ამასთან, შემიძლია გითხრათ, რომ შეუფერხებლად გააგრძელებენ ფუნქციონირებას გარკვეული დადგენილების წესების დაცვით ის საწარმოები, რაც დაკავშირებულია კრიტიკულ ინფრასტრუქტურასთან. ეს არის ენერგეტიკა, სპა მომარაგება, გაზის მომარაგება. გააგრძელებენ სამრეწველო საწარმოები ფუნქციონირებას. მათ შორის, წიაღისეულის ყოველგვარ გადამუშავებასთან დაკავშირებული საწარმოები. რა თქმა უნდა, სასოფლო-სამეურნეო პროდუქციის წარმოება-გადამუშავებასთან დაკავშირებული საწარმოებიც გააგრძელებენ ფუნქციონირებას და უფრო დეტალური ჩამონათვალი დღეს გამოქვეყნდება. ასევე, არანაირი შეფერხება არ ექნება მედიცინას და ყველა სხვას, რაც დაკავშირებულია კრიტიკულ ინფრასტრუქტურასთან“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

საუდის არაბეთმა Flydubai-ს ბორტზე მომხდარ ინციდენტთან დაკავშირებით გამოძიება დაიწყო

საქართველოს ბანკმა AI-ის ყველაზე ინოვაციური გამოყენებისთვის DataIQ-სგან ჯილდო მიიღო

ტერაქტის მცდელობა თუ პილოტების ჩხუბი კაბინაში - რა მოხდა Flydubai-ს რეისზე

₾100 ათასამდე შემოსავლის მქონე პირები ქონების გადასახადისგან გათავისუფლდნენ - პარლამენტმა კანონი მიიღო