"ღვინის ქურდები გაგვიგია, ხმის ქურდებიც, მაგრამ ოლქის ქურდებიც თუ გამოჩნდებოდნენ არ გვეგონა", - ასე გამოეხმაურა "ნაციონალური მოძრაობის" წევრი რომან გოცირიძე უმრავლესობის იდეას, რომ თბილისი 8-ის ნაცვლად, 7 ოლქად დაიყოს.

გოცირიძე აღნიშნავს, რომ ეს მათი შიდა მოსაზრებაა, პარტიები ისაუბრებენ და ოლქებს ისე დაყოფენ, როგორც ვენის რეკომენდაციები ითვალისწინებს.

"სამუშაო არის გასაგრძელებელი, მათ შორის ოლქებთან დაკავშირებით. უკვე არის მცდელობა ოლქების საკუთარ თავზე მორგებისა. ღვინის ქურდები გაგვიგია, ხმის ქურდებიც, მაგრამ ოლქის ქურდებიც თუ გამოჩნდებოდნენ არ გვეგონა. თბილისში უნდათ მოიპარონ ერთი ოლქი. უნდათ, რომ დიდი თბილისი გაყონ 7 ოლქად ნაცვლად იმისა, რომ იქ იყოს 8 ოლქი. ესაა ჯერჯერობით მათი შიდა მოსაზრება. საბოლოო ჯამში, რა თქმა უნდა, პარტიები შევთანხმდებით და ოლქებიც იქნება შეთანხმებული ისე, როგორც ამას საკონსტიტუციო სასამართლო და ვენეციის რეკომენდაციები ითვალისწინებს", - განაცხადა რომან გოცირიძემ.

ცნობისთვის, საარჩევნო ცვლილებებს დღეს 5 საათზე ბიუროს სხდომაზე დაარეგისტრირებენ.

ავტორი: ექსპრესნიუსი,

სოციალური ქსელები

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ