გლდანის ბრალდებულთა და მსჯავრდებულთა დაწესებულებაში დეკანოზ მამალაძის სასჯელის გადავადებაზე იმსჯელებენ

2020-03-05 10:15:15, 1864 ნახვა

სამართალი

დღეს, გლდანის მსჯავრდებულთა და ბრალდებულთა დაწესებულებაში, ე.წ. ციანიდის საქმეზე მსჯავრდებული დეკანოზის, გიორგი მამალაძის მიმართ სასჯელის გადავადების თაობაზე იმსჯელებენ.

სხდომა 11:00 საათზე გაიმართება.

აღნიშნული გადაწყვეტილება თბილისის საქალაქო სასამართლოში 27 თებერვალს მიიღეს.

სასჯელის გადავადების შუამდგომლობით სასამართლოს ადამიანის უფლებების სწავლებისა და მონიტორინგის ცენტრმა (EMC) მიმართა.

შეგახსენებთ, რომ ე.წ. "ციანიდის" საქმეზე ბრალდებულ დეკანოზ გიორგი მამალაძეს თბილისის საქალაქო სასამართლომ თავისუფლების 9 წლით აღკვეთა მიუსაჯა.

დეკანოზს შეწყალების თაობაზე სინოდმა პრეზიდენტთან უშუამდგომლა, თუმცა გიორგი მამალაძე პრეზიდენტის მიერ საშობაოდ შეწყალებულ მსჯავრდებულთა სიაში ვერ მოხდა. სალომე ზურაბიშვილის მიერ მიღებული გადაწყვეტილების შემდეგ, დეკანოზმა შიმშილობა დაიწყო.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,