"ბოლო წლებში საქართველომ წარმატებას მიაღწია სხვადასხვა რეფორმებში, რომლებიც მხარს უჭერენ ეკონომიკურ ლიბერალიზაციას, კერძო სექტორის კონკურენტუნარიანობას, ვაჭრობის ხელშეწყობას, ფინანსებზე ხელმისაწვდომობასა და მიმზიდველი ბიზნეს კლიმატის შექმნას", - ამის შესახებ ეკონომიკისა და მდგრადი განვითარების მინისტრმა ნათია თურნავამ დონორთა ყოველწლიურ კონფერენციაზე სიტყვით გამოსვლისას განაცხადა.

მისი თქმით, სამინისტრო ეკონომიკის სხვადასხვა დარგში ცდილობს ყოვლისმომცველი რეფორმების განხორციელებას. 

„ეკონომიკის სხვადასხვა დარგში ვცდილობთ განვახორციელოთ ყოვლისმომცველი რეფორმები, გავაძლიეროთ კონკურენცია გლობალურ ასპარეზზე და როგორც თავის სიტყვაში საქართველოს პრემიერ-მინისტრმა გიორგი გახარიამ აღნიშნა, საქართველოს მთავრობის ეკონომიკური პოლიტიკა  მაკროეკონომიკურ სტაბილურობას და კერძო სექტორს ემყარება", - განაცხადა ნათია თურნავამ.

მისივე თქმით, საქართველოს მიღწევები კარგად არის ასახული საერთაშორისო რეიტინგებში, თუმცა მთავარი მიღწევა გასული წლის იანვარ-ნოემბერში ეკონომიკური ზრდის მაღალი ტემპია - 5,3%, რაც მოსალოდნელზე მაღალი მაჩვენებელი აღმოჩნდა.

„IMF-ის პროგნოზით, რომელიც, როგორც მოგეხსენებათ, ძალზე კონსერვატიული შემფასებელია, საქართველოს ექნება ყველაზე მაღალი, საშუალოდ 4,9%-იანი  ზრდის ტემპი მეზობელ ქვეყნებს შორის საშუალოვადიან პერიოდში (2020-2024). ზოგადად, შეიძლება ითქვას, რომ საქართველოს ეკონომიკამ დაამტკიცა, რომ ჩვენი ეკონომიკური გამძლეობაა მაღალია გარე გამოწვევებისა და შოკების მიმართ. თუმცა, გარე გამოწვევებმა და გარე შოკებმა შესაძლოა, გავლენა იქონიოს ჩვენს ეკონომიკაზე და ჩვენი ვალია, გავზარდოთ ჩვენი ეკონომიკური გამძლეობა შემდგომი ეკონომიკური და სტრუქტურული რეფორმების საშუალებით. ეს არის ერთადერთი გზა პოტენციური გამოწვევების დასაძლევად და რისკების შესასრულებლად", - აღნიშნა დონორთა ყოველწლიურ კონფერენციაზე სიტყვით გამოსვლისას ნათია თურნავამ.

ავტორი: NS (სტატია დაფინანსებულია),

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.