საქართველოს პარლამენტის სესიაზე მოხსენების დროს, რომელიც „მინისტრის საათის“ ფორმატში გაიმართა, ნათია თურნავამ წიაღის სექტორის რეფორმასა და წიაღისეულის ეკონომიკაში ჩართვის დაჩქარებისკენ მიმართულ გეგმებზე ისაუბრა. მისი განცხადებით, წიაღისეულის საბადოების ეკონომიკურ საქმიანობაში ეფექტიანად ჩართვის მიზნით ბოლო 6 თვის განმავლობაში ხორციელდება არაერთი ცვლილება.

„მთავრობამ სულ ახლახანს დაამტკიცა წიაღის სექტორის ახალი სტრატეგია, რომლის ფარგლებში ვნერგავთ ინტეგრირებულ სალიცენზიო სისტემას - „ერთი ფანჯრის“ პრინციპს, ვამარტივებთ ბიუროკრატიულ პროცედურებს, განსაკუთრებულად ვეხმარებით მცირე ბიზნესს - ახლახანს 120-ზე მეტმა მცირე საწარმომ მიიღო ტექნიკური წყლის ლიცენზია, მომავალ წელს ველოდებით 3000-ზე მეტ სამუშაო ადგილს“, - განაცხადა მინისტრმა.

როგორც ნათია თურნავამ განმარტა, რეფორმის ძირითადი არსი არის საქართველოში წიაღის მოპოვებასთან ერთად წიაღის გადამუშავების წახალისება იმდაგვარად, რომ ამ სექტორში მეტი დამატებული ღირებულება იქმნებოდეს ქვეყნის შიგნით და არა მის ფარგლებს გარეთ. „ჩვენი რეფორმა გათვლილია წიაღის არა მხოლოდ მოპოვების სტიმულირებაზე, არამედ მისი საქართველოში გადამუშავების წახალისებაზე და ამ ვალდებულებებს ჩვენ ავსახავთ ლიცენზიებში. აღსანიშნავია, რომ 2018-2019 წლებში აშენდა 218 წიაღის გადამამუშავებელი ახალი საწარმო და ჩვენი რეფორმის ფარგლებში ეს პროცესი გეგმაზომიერ სახეს იღებს“, - აღნიშნა ნათია თურნავამ.

ეკონომიკის სამინისტროს ინფორმაციით, 2019 წლის 11 თვის განმავლობაში სასარგებლო წიაღისეულის მოპოვების ლიცენზიის გაცემის მიზნით გაიცა 466 ლიცენზია. აუქციონის ფასისა და მოსაკრებლის სახით ნოემბრის თვის მდგომარეობით ბიუჯეტში შევიდა 58 მლნ ლარზე მეტი, და რაც მთავარია, 11 თვის მონაცემებით გაცემული ლიცენზიების საინვესტიციო მოცულობა 80 მლნ ლარს აჭარბებს.

ავტორი: NS (სტატია დაფინანსებულია),

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.