საპატრულო პოლიციის დეპარტამენტის დირექტორი ვაჟა სირაძე, პარლამენტის შენობის წინ მიმდინარე აქციის მონაწილეებს მოუწოდებს, პროტესტი მშვიდ ვითარებაში განაგრძონ და საკანონმდებლო ორგანოს შესასვლელები არ ჩაკეტონ.

რაც შეეხება ადგილზე მომხდარ დაპირისპირებას, სირაძე აცხადებს, რომ პოლიციისადმი დაუმორჩილებლობის ფაქტზე რამდენიმე პირია დაკავებული, თუმცა ზუსტ ციფრს ამ დროისთვის ვერ ასახელებს.

„გარკვეული პირები დაკავებული არიან პოლიციის წინააღმდეგობისა და დაუმორჩილებლობის ფაქტზე. ზუსტ ციფრს ვერ მოგახსენებთ. აქციის მონაწილეები, როდესაც იდგნენ ტროტუარზე და არ ახდენდნენ სატრანსპორტო საშუალებების გადაადგილების და პარლამენტის შესასვლელების ბლოკირებას, შეეძლოთ მათ გამოეხატათ პროტესტი.

ჩვენ გვქონდა კომუნიკაცია და შეეძლოთ განეგრძოთ მშვიდ ვითარებაში. შემდეგ, გარკვეულმა ორგანიზატორებმა მოუწოდეს გადაეკეტათ სავალი ნაწილი და შესასვლელები, რის შემდეგაც მოვუწოდეთ გადასულიყვნენ გზიდან. გარკვეული პირები არ დაემორჩილნენ პოლიციას, რის გამოც იქნებ დაკავებულები.

შინაგან საქმეთა სამინისტრო მოუწოდებს აქციის მონაწილეებს, პროტესტი განაგრძონ მშვიდ ვითარებაში. ნუ ჩაკეტავენ შესასვლელებს“, - განაცხადა ვაჟა სირაძემ.

ავტორი: ექსპრესნიუსი,

სოციალური ქსელები

სექტემბერში, თიბისის ბიზნესგანათლების პროგრამა 700-მდე მეწარმემ გაიარა

პენიტენციური სამსახური – მე-6 დაწესებულების სამი მსჯავრდებულის დეესკალაციის საკნებში გადაყვანა უკავშირდება დაწესებულების თანამშრომლებზე თავდასხმას

სალია - პატიმრის შემოწმებასა და დათვალიერებას, ამ პროცედურას კი გიორგი დავითაძე ეწინააღმდეგებოდა

მოსკოვში მიტინგზე დაახლოებით 60 ადამიანი დააკავეს, რომლებიც სკანდირებდნენ „სამართლიანი არჩევნებისთვის“ და „ძირს მეფე“