2019-10-26 13:41:03, 3236 ნახვა
სამართალი
თბილისში, ერთ-ერთი რესტორნის დაცვა ამერიკელ ტურისტებს ფიზიკურად გაუსწორდა
თბილისში, რესტორან „სულთანში“ ამერიკის მოქალაქეებს ფიზიკურად გაუსწორდნენ.
გავრცელებული ინფორმაციით, დაპირისპირება თანხის გადახდასთან დაკავშირებით დაწყებულ შელაპარაკებას მოჰყვა. კერძოდ, სტუმრებს გადახდა საბანკო ბარათით სურდათ, თუმცა მას შემდეგ, რაც ბარათიდან თანხის ჩამოჭრა ვერ მოხერხდა, რესტორნის წარმომადგენლებმა მათ ნაღდი ანგარიშსწორება მოსთხოვეს. სწორედ ამის შემდეგ, ტურისტებს დაწესებულების დაცვის წარმომადგენლები ფიზიკურად გაუსწორდნენ.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სსკ-ის 126-ე პრიმა მუხლის „ბ“ და „გ“ ქვეპუნქტით მიმდინარეობს (ცემა ან სხვაგვარი ძალადობა ჯგუფურად, ორი ან მეტი პირის მიმართ, რამაც დაზარალებულის ფიზიკური ტკივილი გამოიწვია).
ავტორი: ექსპრესნიუსი,
epn.ge (@expressnews.ge)
