პანკისის ხეობაში სპეცოპერაციისას მოკლული თემირლან მაჩალიკაშვილის მამის, მალხაზ მაჩალიკაშვილის ინფორმაციით, სპეცრაზმელმა, რომელმაც მის შვილს ესროლა, თავი მოიკლა.

როგორც მაჩალიკაშვილმა აღნიშნა, ინფორმაცია მას სანდო წყარომ მიაწოდა, რომელსაც ვერ დაასახელებს.

მისივე თქმით, კიდევ ორმა სპეცრაზმელმა, რომლებიც სპეცოპერაციაში მონაწილეობდნენ, ქვეყანა დატოვა.

„მას ვინც ინფორმაცია მომაწოდა, სახელები და გვარები არ მოუწოდებია ჩემთვის. ვრცელდება ასეთი ვერსიები, რომ ერთ-ერთმა, იმ სამი სპეცრაზმელიდან, თავი მოიკლა“, - განაცხადა მალხაზ მაჩალიკაშვილმა.

აღსანიშნავია, რომ სახელმწიფო უსაფრთხოების სამსახურში სპეცრაზმელის მიერ თვითმკვლელობის ფაქტს არ ადასტურებენ.

ამასთან, როგორც ცნობილია, საქმესთან დაკავშირებით გენერალურ პროკურატურაში  2 თვის წინ სუს-ის მაშინდელი უფროსი და ამჟამად შს მინისტრი ვახტანგ გომელაური, სუს-ის უფროსის ყოფილი მოადგილე იოსებ გოგაშვილი და სუს-ის ანტიტერორისტული ცენტრის ხელმძღვანელი ირაკლი ჩიმაკაძე დაიკითხნენ.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.